Maharashtra Corona Update: राज्यात कोरोनाचा आलेख दिवसेंदिवस वाढत असून आज राज्यभरात दहा कोरोना रूग्णांचा मृत्यू झाला आहे. दरम्यान काल राज्यात फक्त चार कोरोना रूग्णांचा मृत्यू झाला होता. कालच्या तुलनेत आजच्या मृत्यूदरात अडीच पट वाढ झालेली आहे. तर आज राज्यात दोन हजार तीनशे एकाहत्तर नव्या कोरोना रूग्णांची भर पडली आहे. तर राज्यात दोन हजार नऊशे चौदा कोरोना रूग्णांना रूग्णालयातून सुटका मिळाली आहे.

(Maharashtra Corona Update)

दरम्यान, मागील काही दिवसांपासून कोरोनाच्या रूग्णसंख्येत वाढ होत आहे. तर दिलासादायक गोष्ट अशी आहेत की आज सापडलेल्या कोरोना रूग्णांपेक्षा बरे झालेल्या रूग्णांची संख्या अधिक आहे. त्यामुळे रूग्णांच्या रिकव्हरीचा दर हा ९७.९५ टक्के इतका झाला आहे. तर आजच्या १० कोरोना मृतांसहित राज्यातील मृत्यूदर हा १.८४ टक्के इतका झाला आहे. त्यामुळे राज्यासाठी ही दिलासादायक गोष्ट म्हणावी लागेल.

आज राज्यात दोन हजार तीनशे एकाहत्तर नव्या कोरोना रूग्णांची भर पडली असून त्याचबरोबर देशात मंकीपॉक्सचाही धोका वाढला असून केरळमध्ये देशातील पहिला मंकीपॉक्सचा रूग्ण सापडला आहे. त्यामुळे केंद्रीय यंत्रणा सतर्क झाल्या असून नागरिकांना काळजी घेण्याच्या सूचना देण्यात आल्या आहेत. तसेच आरोग्य विभागानेही काळजी घेण्याचे अवाहन केले आहे.