मुंबई : एकीकडे कोरोनासह (corona) नवा व्हेरियंट ओमिक्रॉनचे (omicron variant) सावट कायम असताना राज्यातील (Maharashtra) चाचण्यांचे प्रमाण घटल्याचे (corona test decreases) समोर आले आहे. राज्यात कोरोनाच्या पार्श्वभूमीवर जास्तीत जास्त चाचण्या करून लवकरात लवकर निदान आणि उपचार केले (corona treatment) तर कोरोना रुग्ण संख्या आटोक्यात आणता येईल. पण, राज्यातील चाचण्या कमी संख्येत होत आहेत. (corona test decreases in Maharashtra)

राज्य आरोग्य विभागाकडून मिळालेल्या आकडेवारीनुसार, राज्यात 20 डिसेंबर या दिवशी 83,656 चाचण्या केल्या गेल्या. त्यातून, 544 कोरोना रुग्णांची नोंद करण्यात आली होती. तर, दैनंदिन पाॅझिटिव्हीटी दर 0.65 एवढा नोंद करण्यात आला होता. चाचण्यांचे हेच प्रमाण 19 डिसेंबर या दिवशी 111,913 एवढे होते. त्यामुळे, 20 डिसेंबर या दिवशी जवळपास 28 हजार चाचण्या कमी केल्या गेल्या.

राज्यात आतापर्यंत 7 कोटींहून अधिक कोविड चाचण्या केल्या गेल्या आहेत. त्यात 1 डिसेंबर ते 19 डिसेंबरपर्यंत दररोज  1 लाखांहून अधिक चाचण्या केल्या गेल्या. मात्र, ख्रिसमस आणि नवीन वर्षाच्या तोंडावर चाचण्या कमी झाल्याचे आकडेवारीवरुन स्पष्ट होत आहे.

चाचण्यांमध्ये चढ-उतार

राज्यातील दैनंदिन आकडेवारीनुसार, 1 डिसेंबर ते  5 डिसेंबरपर्यंत दररोज सरासरी 1 लाख 22 हजार चाचण्या करण्यात आल्या. हे प्रमाण 6, 7 , 13 आणि 20 डिसेंबर या दिवशी 70 ते 85 हजार दरम्यान होते. त्यामुळे, या कालावधीत चाचण्यांमध्येही चढ-उतार पाहायला मिळत आहे.

पाॅझिटिव्हीटी दर वाढला

राज्याचा 19 डिसेंबरपर्यंतचा पाॅझिटिव्हीटी दर सरासरी 1.19 वर पोहोचला आहे. जो 18 डिसेंबरपर्यंत 1.14 एवढा होता. तर त्याधी  साप्ताहिक पाॅझिटिव्हीटी दर 1.09 एवढा होता.

साप्ताहिक पाॅझिटिव्हीटी दर जास्त असलेले जिल्हे

पुणे, सांगली, सोलापूर, पालघर, सातारा, नाशिक आणि अहमदनगर या जिल्ह्यांमध्ये साप्ताहिक पाॅझिटिव्हीटी दर सर्वाधिक आहे. पुण्यात सर्वाधिक 1.75 पाॅझिटिव्हीटी दर असून त्यापाठोपाठ सांगलीत 1.19, सोलापूर 1.17 , पालघर 1.16 , सातारा 1.13, नाशिक 1.06 आणि अहमदनगर 1.03 एवढा साप्ताहिक पाॅझिटिव्हीटी दर आहे. दरम्यान, राज्याचा साप्ताहिक पाॅझिटिव्हीटी दर 0.82 टक्के एवढा आहे.