मध्य प्रदेश विधानसभा निवडणुकीसाठी आज मतदान पार पडलं. मतदान संपलं तेव्हा ७१.१६ टक्के एकूण मतदान नोंदवलं गेलं. त्याचबरोबर छत्तीसगडमध्ये देखील आज दुसऱ्या टप्यातील मतदान झालं यामध्ये ६८.१५ टक्के मतदान झालं.

पंतप्रधानपदावरील व्यक्तीसाठी पुरवण्यात येणाऱ्या स्पेशल प्रोटेक्शन ग्रुप या सुरक्षा यंत्रणेच्या संचालकपती आयपीएस अधिकारी अलोक शर्मा यांची नियुक्ती करण्यात आली आहे. ते सध्या एसपीजीमध्ये अतिरिक्त महासंचालकपदी कार्यरत आहेत.

छत्तीसगडमध्ये आज दुसऱ्या टप्प्यातील मतदान पार पडलं. यावेळी नक्षलवाद्यांनी गरियाबंद भागात केलेल्या आयईडी स्फोटात ITBPचा एक जवान शहीद झाला. नक्षलवाद्यांनी एका मतदानाचं साहित्य घेऊन जाणाऱ्या टीमवर हल्ला चढवला होता. बडे गोब्रा मतदान केंद्रावरुन हे अधिकारी परत निघाले होते. यावेळी त्यांना संरक्षण पुरवणारा आयटीबीपीचा जवान जोगिंदर सिंह यांचा स्फोटात मृत्यू झाला. दरम्यान, ईव्हीएमला काहीही नुकसान झालं नसून मतदान अधिकारी आणि मशिन हे गरियाबंद इथं सुखरुप पोहोचले आहेत.

छत्तीसगडमध्ये आज दुसऱ्या टप्प्यातील मतदान होत असून ३ वाजेपर्यंत ५५.३१ टक्के पार पडलं आहे. तर मध्य प्रदेशात पहिल्या टप्प्यातील मतदान सुरु असून दुपारी ३ वाजेपर्यंत ६०.५२ टक्के मतदान झालं आहे.

एसटीनं सर्वोच्च उत्पन्नाचा विक्रम रचला आहे. दिवाळीदरम्यान एसटीनं ९५ कोटी ३५ लाख रुपये कमावले आहेत. यामुळं एसटी महामंडळाची खऱ्या अर्थान दिवाळी झाली आहे. एकट्या १६ नोव्हेंबर रोजी एसटीनं ३५ कोटी १८ लाख रुपये कमावले आहेत.

बाळासाहेब ठाकरे यांचा आज ११ स्मृतीदिन आहे. यानिमित्त मुख्यमंत्री एकनाथ शिंदे यांनी त्यांच्या रिगल सिनेमा इथल्या पुर्णाकृती पुतळ्याला पुष्पहार अर्पण करुन त्यांना अभिवादन केलं. यावेळी त्यांच्यासोबत नीलम गोऱ्हे, गजानन किर्तीकर उपस्थित होते.

मनोज जरांगेंची सांगलीत सभा झाल्यानतंर ते कोल्हापुरात दाखल झाले आहेत. यावेळी त्यांचं जोरदार स्वागत करण्यात आलं. हस्तीनं सोंडेद्वारे जरांगे यांच्या गळ्यात हार घातला. यावेळी मोठ्या प्रमाणावर गर्दी जमा झाली होती.

छगन भुजबळ यांनी जालन्यातील अंबड इथं आज आक्रमक भाषण केलं. यावेळी त्यांनी मनोज जरांगे यांना टार्गेट करत घणाघाती आरोप केले. यानंतर आता संभाजीराजे छत्रपती यांनी भुजबळांवर टीका केली. तसेच त्यांची हाकालपट्टी करावी अशी मागणी केली आहे.

पुण्यात अल्पवयीन मुलाने भरधाव गाडी चालवत वाहनांना उडवले. पुण्यातील सातारा रोड वर ही घटना घडली.

अल्पवयीन मुलाने भरधाव वेगाने गाडी चालवत ४ ते ५ वाहनांना उडवले. भावाला न सांगता अल्पवयीन मुलगा गाडी घेऊन गेला होता. त्याच्याकडून हा सर्व प्रकार घडला. नागरिकांनी या अल्पवयीन मुलाला चांगलाच चोप दिला आहे.

६० टक्के ओबीसी भाजपला मतदान करतात जर ओबीसी आरक्षणाचा बट्ट्याबोळ झाला तर हा ओबीसी समाज काय करेल?, असे भुजबळ म्हणाले.

तीन वाजता मराठा आरक्षणाबाबत मंत्रिमंडळाची बैठक आहे. पण बहुतांश मंत्री नसल्यानं ही बैठक रद्द होण्याची शक्यता आहे. या बैठकीत मराठा आरक्षणाबाबतचा आढावा घेतला जाणार असल्याची माहिती मिळत आहे. चंद्रकांत पाटील यांच्या उपस्थितीत‌ ही बैठक होणार आहे.

मराठा आरक्षणाला ओबीसीतून विरोध करत ओबीसी नेते एकवटे आहेत. जालना जिल्ह्यातील अंबड येथे ओबीसी समाजाचा आज मेळावा आहे. विरोधी पक्षनेते विजय वडेट्टीवार आणि छगन भुजबळ या मेळाव्यात उपस्थित आहेत.

जम्मू-काश्मीरमधील कुलगाम जिल्ह्यात सुरक्षा दलांसोबत सुरू असलेल्या चकमकीत पाच दहशतवादी ठार झाल्याची माहिती पोलिसांनी आज दिली. ही कारवाई अंतिम टप्प्यात असल्याचे पोलिसांनी सांगितले आहे.

मनोज जरांगे यांनी विटा येथे मराठा आरक्षणासाठी सभा घेतली. जरांगे म्हणाले, "सरकारने कितीही डाव टाकले तरी मी मागे हटत नाही. त्यांनी गनिमी कावे कळू दिले नाहीत मग आम्ही देखील शिवरायांचे मावळे आहोत आता आमचे गनिमी कावे सरकारला कळणार नाहीत. माझ्या टप्प्यात आला की सोडणार पण नाही. कानाकोपऱ्यात बोलू देणार नाही, सरकारला बोलायच असेल तर सर्वांसमोर बसावं लागेल. सरकारने समिती नेमली वेळ घेतला मग समिती पळायला लागली."

उद्धव ठाकरे यांनी शिवतिर्थवर बाळासाहेब ठाकरे यांच्या स्मृतिस्थळी अभिवादन केले. यावेळी रश्मी ठाकरे आणि आदित्य ठाकरे उपस्थित होते.

मुंबईच्या ग्रँट रोड परिसरात असलेल्या धवल गिरी इमारतीमध्ये भीषण आग लागली. इमारतीच्या 11 आणि 12 व्या मजल्यावर आग लागली. घटनास्थळी 8 अग्निशमन दलाच्या गाड्या 6 जंबो टँकर, स्थानिक पोलीस दाखल झाले आहे. आग कश्यामुळे लागली याचे कारण अद्याप अस्पष्ट आहे.

नवी दिल्ली : 19 नोव्हेंबर दिल्लीत छठपूजेच्या निमित्ताने ड्राय डे असणार आहे. दिल्ली प्रशासनाने हा निर्णय घेतला आहे. उत्पादन शुल्क आयुक्तांकडून आदेश जारी करण्यात आले. रविवारी दारूची सगळी दुकान बंद राहणार आहे.

रात्री 9 वाजेपर्यंत मध्य प्रदेशात 10.4 टक्के मतदान झाले. त्याच वेळी, छत्तीसगडमधील 70 जागांवर सरासरी 5.71% मतदान झाले.