हर्षवर्धन पाटील यांनी NCP (SP) मध्ये प्रवेश केला आहे. लोकसभा निवडणुकीत सुप्रिया सुळे यांना पाठिंबा दिल्याची कबुली दिली आहे.

केरळमधील वायनाडमध्ये मुसळधार पावसामुळे पूरसदृश परिस्थिती निर्माण झाली आहे.

मुंबई पोलिसांनी अभिनेत्री दिया मिर्झाच्या दत्तक मुलीची यूपीमधून सुटका केली आहे.

केरळचे राज्यपाल आरिफ मोहम्मद खान यांनी मुख्यमंत्री पिनाराई विजयन यांच्या मलप्पुरममधील सोन्याच्या तस्करी आणि राज्यविरोधी आणि देशविरोधी कारवायांसाठी वापरल्या जाणाऱ्या निधीबद्दलच्या वक्तव्यावर थेट स्पष्टीकरण देण्यासाठी राज्याचे मुख्य सचिव आणि डीजीपी यांना राजभवनात बोलावले आहे. राज्यपालांनी त्यांना उद्या दुपारी ४ वाजता राजभवनात हजर राहण्याच्या सूचना दिल्या आहेत.

आज अकोल्यात लाठीचार्ज झाला. यावर नाना पटोलेंनी प्रतिक्रिया दिला आहे. यावर बोलताना नाना पटोले म्हणाले की, हे महाराष्ट्रात चालत राहणार. जिकडे हिंदू मुस्लिम भाईचाराने राहतात, तिकडे हे सत्ताधारी असं करणार. हे जाणूनबुजून हे सरकार करत आहे.

राज्यातल्या सहकारी संस्थांच्या निवडणुका लांबणीवर ढकलण्यात आलेल्या आहेत. ३१ डिसेंबर २०२४ पर्यंत निवडणुका पुढे ढकलण्यात आलेल्या आहेत. विधानसभा निवडणुकीच्या पार्श्वभूमीवर हा निर्णय घेण्यात आला.

मंगळवारी वरळीमधील नागरिक त्यांच्या विविध प्रश्नांसंदर्भात मनसे अध्यक्ष राज ठाकरे यांची शिवतीर्थ या निवासस्थानी भेट घेणार आहेत. वरळीमधील काही नागरिकांचा मनसेमध्ये पक्षप्रवेश होणार आहे.

''आम्हांला भूतकाळात जायचं नाही आहे. आज राज्याची जी अवस्था आहे ती अज आपण बघतोय. राज्य कर्जबाजारी झाले आहे. महाराष्ट्र वाचवणे हे जनतेची जबाबदारी. योजनेचं प्रमोशन करण्यासाठी खर्च हे क्लेषदायक आहे. महागाई एवढी वाढत आहे. किराणा सामानात वाढ झाली आहे. सणासुदीच्या दिवसात सामान्य माणसाने सण साजरे करु नये हे सरकारचे स्वप्न आहे का?'' असा सवाल उपस्थित करीत काँग्रेस प्रदेशाध्यक्ष नाना पटोले यांनी सरकारला धारेवर धरले.

नवी मुंबई विमानतळावर फायटर प्लेन उतरणार. फायटर प्लेन उतरवून होणार नवी मुंबई विमानतळाची चाचणी. येत्या ११ तारखेला होणार चाचणी. नवी मुंबई विमानतळाला दि बा पाटील यांचं नाव द्यावं, या संदर्भात दिल्लीत आजच बैठक झाल्यानंतर नवी मुंबई विमानतळाच्या धावपट्टीची चाचणी होणार. येत्या विधानसभा निवडणुकीच्या पार्श्वभूमीवर नवी मुंबई विमानतळाच्या कामाला वेग आला आहे.

राज्यपाल नियुक्ती 12 आमदारांचा प्रकरण असताना आज उच्च न्यायालयामध्ये प्रकरण पार पडलं. साडेचार तास हा संपूर्ण युक्तिवादच पार पडला. आज या ठिकाणी युतीवर पार पडलेला असून 23 ऑक्टोबरला पुढची तारीख देण्यात आली आहे. 23 ऑक्टोबरला कोर्टाकडून या ठिकाणी निकाल देण्यात येईल. यामध्ये महाराष्ट्र शासन योग्य उत्तर देऊ शकलं नाही. राज्यपालांनी नेत्यांच्या अधिकाराचा योग्य वापर केलेला नाहे. मंत्रिमंडळात चर्चा झाल्यानंतर राज्य सरकारनं राज्यपालांना दिलेली यादी त्यांनी परत केली, त्यांना असं करता येत नाही. येत्या 23 तारखेला पुढचा निकाल येणार आहे तो लँडमार्क निकाल असणार आहे.

अकोल्यात दोन गटात राडा झाल्याचं वृत्त आहे. यामध्ये धुडगूस घालणाऱ्यांनी काही गाड्याही पेटवून दिल्या आहेत. तसंच दगडफेक झाल्याचंही कळतंय. हरिपेठ भागात हा प्रकार घडला आहे. पण नेमक्या कुठल्या कारणामुळं हा प्रकार घडला हे अद्याप कळू शकलेलं नाही.

राज्याच्या पोलीस महासंचालकपदी रश्मी शुक्ला यांना बेकायदेशीरपणे मुदतवाढ दिली असून शुक्ला यांच्यावर अनेक गंभीर गुन्ह्यांची नोंद आहे. उच्चपदावर असलेल्या अधिकारी रश्मी शुक्ला या भाजपासाठी काम करतात. अशा पक्षपाती अधिकाऱ्यांमुळं विधानसभा निवडणूक पारदर्शक व निष्पक्षपातीपणे पार पडतील याबाबत शंका असल्यानं त्यांची तातडीने हकालपट्टी करावी, या मागणीचा महाराष्ट्र प्रदेश काँग्रेस कमिटीचे अध्यक्ष नाना पटोले यांनी पुनरुच्चार केला आहे.

"महाराष्ट्रात कोणतीही योजना काम करू शकत नाही कारण त्यात पैसा नाही. म्हणून त्यांनी रिझर्व्ह बँकेला एका आठवड्यात 3000 कोटी रुपये देण्याची मागणी केली आहे. इतिहासात असे कोणत्याही राज्याने केलेले नाही. या देशाच्या स्वातंत्र्यासाठी एका आठवड्यात 3000 कोटी रुपये मागणारे...हे पैसे परत कसे करणार?" असे राष्ट्रवादी-एससीपी नेते जितेंद्र आव्हाड म्हणाले.

"गृहमंत्रालयाने आम्हाला आश्वासन दिले आहे की नेत्यांसोबत आमची बैठक निश्चित केली जाईल... परंतु अद्याप काहीही झाले नाही. आम्ही लेहहून पायी आलो आहोत आणि आम्हाला आमच्या नेत्यांकडून काही आश्वासन घ्यायचे आहे. ..आम्ही इथेच उपोषण करणार आहोत..." असे सोनम वांगचुक म्हणाले. ते कालपासून लडाख भवन,दिल्ली येथे उपोषण करत आहेत.

अमित शहा आणि एकनाथ शिंदे यांच्यात निवडणूकांबाबत चर्चाअमित शहा आणि एकनाथ शिंदे यांच्यामध्ये दिल्लीत निवडणूकींबाबात चर्चा होणार आहे.

भारताच्या सहकार्याने बांधलेल्या ७०० हून अधिक सामाजिक गृहनिर्माण युनिट्स (मालदीवला) सुपूर्द करण्यात आल्या आहेत.आर्थिक संबंध मजबूत करण्यासाठी आम्ही मुक्त व्यापार करारावर चर्चा सुरू करण्याचा निर्णय घेतला आहे.- पंतप्रधान नरेंद्र मोदी

भाजपमधून शरद पवार यांच्या राष्ट्रवादी काँग्रेस पक्षात प्रवेश केलेल्या हर्षवर्धन पाटील यांना पक्षाने लगेच इंदापूरमधून विधानसभा निवडणुकीची उमेदवारी दिली आहे. जयंत पाटील यांनी याबद्दलची घोषणा केली आहे. आज इंदापूर येथील जाहीर सभेत शरद पवारांच्या उपस्थितीत हर्षवर्धन पाटील यांनी 'तुतारी' हाती घेतली आहे.

नागपूर : देवेंद्र फडणवीस यांच्या ताफ्यात नागपूर ग्रामीण पोलीस अधिक्षक यांच्या स्ट्रायकिंग फोर्सची गाडी पलटल्याची घटना समोर आली आहे. ⁠उपमुख्यमंत्री देवेंद्र फडणवीस यांचा ताफा गेल्यानंतर ही पायलट गाडी जात असताना हा अपघात झाला. सुदैवाने या अपघातात कोणीही जखमी झालेले नाही.

मिळालेल्या माहितीनुसार, बुटीबोरी एमआयडीसी येथे कार्यक्रम संपवून परत जाताना हा अपघात झाला. गाडीच्या अपघातावेळी चार पोलीस कर्मचारी होते गाडीत, पण कुणीही जखमी झाले नाही.

एका १९ वर्षीय तरुणीला अश्लील संदेश पाठवणाऱ्या सुरक्षा रक्षकाला मनसे कार्यकर्त्यांनी चांगलाच चोप दिला आहे. कामोठे परिसरात कामाच्या ठिकाणी एका १९ वर्षाच्या तरुणीला अश्लील मेसेज पाठवून हा सुरक्षा रक्षक त्रास देत होता. याबाबत मनसेच्या कार्यकर्त्यांना समजल्यावर संबंधित सुरक्षा रक्षकाला मनसे स्टाईल चोप देण्यात आला आहे.

विधानसभा निवडणुकीच्या अनुषंगाने राज्यातील राजकीय वातावरण तापत असतानाच पुढच्या आठवड्यात राहुल गांधी यांचा नांदेड आणि चिमूर दौरा होणार आहे. विधानसभा निवडणुकीच्या पार्श्वभूमीवर दोन्ही ठिकाणी जाहीर सभा होणार असून विदर्भ, मराठवाडा आणि पश्चिम महाराष्ट्रावर काँग्रेसचं ‌विशेष लक्ष असणार आहे.

उद्योजक रतन टाटा यांची तब्येत बिघडली असून त्यांना मुंबईतील ब्रिच कँडी रुग्णालयात उपचारासाठी दाखल करण्यात आले आहे.

छत्रपती संभाजीनगर शहरातील क्रांती चौक मोठ्या संख्येने बौद्ध लेणी बचावसाठी लोक जमले आहेत.

मनसे अध्यक्ष राज ठाकरे यांच्या हस्ते अखिल भारतीय मराठी साहित्य संमेलनाच्या बोध चिन्हाचे अनावरण झाले

महिला पत्रकाराला शिवीगाळ प्रकरणी शिंदे गटाचे माजी नगराध्यक्ष वामन म्हात्रे यांना दिलासा

मुंबई उच्च न्यायालयाने केला अटकपूर्व जामीन मंजूर

छत्रपती संभाजीनगरात थोड्याच वेळात बुद्धलेणी बचावसाठी मोर्चा निघणार आहे. शहरातील क्रांती चौक ते विभागीय आयुक्त कार्यालय असा हा मोर्चा असणार आहे.

उपमुख्यमंत्री देवेंद्र फडणवीस यांच्या नागपुरातील निवस्थानी असलेल्या कार्यालयात आज कार्यकर्ते आणि विधानसभा निवडणुकीसाठी इच्छुकांची गर्दी दिसून आली.

मुंबईतील माहीम परिसरात असलेल्या मोहित हाइट्स इमारतीला आग लागली असून, आगीचे कारण स्पष्ट झालेले नाही. मुंबई अग्निशमन दलाने दिलेल्या माहितीनुसार अग्निशमन दलाच्या गाड्या घटनास्थळी पोहोचल्या आहेत.

भारत आणि मालदीव यांच्यातील संबंधांमध्ये सतत तणाव आहे. तथापि, दोन्ही देश आता संबंध सुधारण्याचा प्रयत्न करत आहेत. अशात मालदीवचे अध्यक्ष मोहम्मद मुइज्जू भारत दौऱ्यावर आले आहेत. नवी दिल्लीत पाऊल ठेवताच ते म्हणाले की, मालदीव भारताच्या सुरक्षेला धोका निर्माण होईल असे काहीही करणार नाही.

पिंपरी विधानसभेत भाजपला धक्का बसण्याची शक्यता आहे. भाजपच्या माजी नगरसेविका सीमा साबळे यांनी शरद पवारांची भेट घेत असल्याची चर्चा आहे. शरद पवार गटातून निवडणूक लढवण्यास त्या इच्छुक आहेत. शरद पवारांची भेट घेण्यासाठी त्या मोदी बागेत दाखल झाल्या आहेत.

प्रयागराज (उत्तर प्रदेश) : पुढील वर्षी उत्तर प्रदेशात प्रयागराजमध्ये होणाऱ्या कुंभमेळ्यासंदर्भात राज्याचे मुख्यमंत्री योगी आदित्यनाथ यांच्या अध्यक्षतेखाली बैठक झाली. २०१२ च्या तुलनेत २०२५ मध्ये होणाऱ्या कुंभमेळ्याचे क्षेत्र दुप्पट असेल, असेही आदित्यनाथ यांनी सांगितले.

मुंबईतील माहीम परिसरात असलेल्या मोहित हाइट्स इमारतीला भीषण आग लागलीये. या आगीचं कारण अद्याप स्पष्ट झालेलं नाही. अग्निशमन दलाच्या गाड्या घटनास्थळी पोहोचल्या असून आग आटोक्यात आणण्यासाठी प्रयत्न सुरु असल्याचे मुंबई अग्निशमन दलाने सांगितले.

राज्यात पावसासाठी पोषक वातावरण तयार होत आहे. आज सोमवारी (ता. ७) महाराष्ट्राच्या दक्षिणेकडील भागात वादळी वारे आणि विजांच्या कडकडाटासह जोरदार पावसाची शक्यता वर्तवण्यात आली आहे. त्यामुळे या भागातील काही जिल्ह्यात पावसाचा यलो अलर्ट जारी करण्यात आला आहे. आज मुंबई ठाण्यासह महाराष्ट्राच्या दक्षिण भागात असलेल्या रत्नागिरी, सिंधुदुर्ग, सातारा, सांगली, कोल्हापूर, सोलापूर जिल्ह्यांत वादळी वारे आणि विजांसह जोरदार पाऊस होईल, असं हवामान खात्यानं सांगितलंय.

उत्तर प्रदेश : अभिनेत्री आणि मथुरेतील भाजप खासदार हेमा मालिनी यांनी मथुरेत नवरात्रीच्या निमित्ताने नृत्यनाट्य सादर केले. त्यांनी सादर केलेल्या भूमिकेचे कौतुक होत आहे.

कराड : मसूरजवळील रेल्वे उड्डाणपुलाजवळ एका युवकाचा विजेच्या धक्क्याने दुर्दैवी मृत्यू झाल्याची घटना रविवारी रात्री घडली. प्रसाद अशोक खुंटाळे (वय 27, रा. सिद्धिविनायक कॉलनी, हजारमाची ता.कराड) असे संबंधित मृत्यू झालेल्या युवकाचे नाव असल्याची माहिती पोलिसांनी दिली.

कराचीमधील जिना आंतरराष्ट्रीय विमानतळाजवळ झालेल्या भीषण स्फोटात तीन परदेशी नागरिकांचा मृत्यू झाला आहे, तर १७ जण जखमी झाल्याचे पाकिस्तानच्या जिओ न्यूजने वृत्त दिले आहे.

कोलकता : कर वैद्यकीय महाविद्यालय व रुग्णालयात महिला डॉक्टरचा अत्याचार करून खून केल्याप्रकरणी कनिष्ठ डॉक्टरांचे बेमुदत उपोषण अद्याप सुरूच आहे. कोलकत्याच्या मध्यभागी असलेल्या धरमताला परिसरात त्यांचे आंदोलन सुरू आहे. आंदोलनस्थळी सहभागी झालेले अनेक वरिष्ठ डॉक्टरही कनिष्ठ डॉक्टरांबरोबर उपोषणात सहभागी होण्याची शक्यता आहे. राज्य सरकारने मागण्या पूर्ण न केल्याने कनिष्ठ डॉक्टरांनी शनिवारी (ता.५) रात्रीपासून बेमुदत उपोषण पुकारले आहे.

Latest Marathi Live Updates 7 October 2024 : दिल्लीत होणाऱ्या ९८ व्या अखिल भारतीय मराठी साहित्य संमेलनाच्या अध्यक्षपदी लोकसाहित्य व लोकसंस्कृतीच्या ज्येष्ठ अभ्यासक व लेखिका डॉ. तारा भवाळकर यांची निवड करण्यात आली आहे. ढगफुटीसदृश पावसामुळे मोठ्या प्रमाणात पडझड झालेल्या भुईबावडा घाटातील रस्त्यांची दुरुस्ती करण्यासाठी या घाट मार्गातील अवजड वाहतूक रविवार (ता. १३) पर्यंत बंद ठेवण्यात येणार आहे. तसेच भारत हे हिंदू राष्ट्र असून हिंदूंनी धर्माच्या संरक्षणासाठी भाषा, प्रांत आणि जातिभेद दूर सारून एकत्र यायला हवे, असे आवाहन राष्ट्रीय स्वयंसेवक संघाचे सरसंघचालक मोहन भागवत यांनी केलेय. लैंगिक शोषणाचा आरोप करण्यात आलेले प्रसिद्ध नृत्यदिग्दर्शक शेख जानी बाशा ऊर्फ जानी मास्टर यांना जाहीर झालेला राष्ट्रीय पुरस्कार केंद्र सरकारने परत घेतला आहे. इंदापुरात आज हर्षवर्धन पाटील शरद पवार यांच्या राष्ट्रवादीत प्रवेश करणार आहेत. तर, राज ठाकरे पुणे दौऱ्यावर आहेत. मुख्यमंत्री एकनाथ शिंदे अमित शाह यांना भेटण्यासाठी दिल्लीत दाखल झाले आहेत. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..