मुंबई : गेल्या अडीच वर्षांपासून रखडलेल्या राज्यपाल नियुक्त विधान परिषदेच्या १२ जागा भरण्यासाठीच्या हालचालीला वेग आला असून बारा ऐवजी केवळ सातच नावांची यादी मुख्यमंत्र्यांनी राज्यपाल सी. पी. राधाकृष्ण यांच्याकडे पाठविण्यात आल्याची चर्चा आहे. पण यामध्ये कोणाकोणाचा समावेश आहे, जाणून घेऊयात.

विधानसभा निवडणुकीची आचारसंहिता लागण्यापूर्वी या १२ आमदारांची नियुक्ती होणे आवश्यक असल्याने त्यादृष्टीने महायुतीच्या तीनही पक्षांमध्ये याबाबत हालचाली सुरु होत्या. पुढील दोन दिवसांत विधानभेची आचारसंहिता लागण्याची शक्यता असल्याने आज मंत्रिमंडळ बैठकीनंतर मुख्यमंत्री एकनाथ शिंदे यांनी ही नावे राज्यपालांकडे तातडीने पाठविल्याचे बोलले जात आहे.

भाजपच्या ३ आणि शिवसेना (शिंदे गट) आणि राष्ट्रवादी काँग्रेस (अजित पवार गट) यांच्या प्रत्येकी दोन सदस्यांची नवे राज्यपालांकडे पाठविण्यात आली आहेत. यामध्ये राष्ट्रवादी काँग्रेसकडून पंकज भुजबळ आणि इद्रिस नाईकवाडी यांच्या नावाची शिफारस करण्यात आली आहे. तर, शिवसेनेकडून मनीषा कायंदे आणि हेमंत पाटील यांच्या नावाची शिफारस करण्यात आली आहे. भाजपच्या चित्रा वाघ, विक्रांत पाटील आणि धर्मगुरू महाराज राठोड यांच्या नावांची शिफारस करण्यात आलेली असल्याचे सूत्रांनी सांगितलं आहे.