पुणे : तीन दिवसांच्या विश्रांतीनंतर पुण्यात जोरदार पावसाने हजेरी लावली आहे. त्याचबरोबर राज्यातील विविध ठिकाणी पाऊस सुरू असून पुढचे पाच दिवस कोकण, विदर्भात मुसळधार पावसाचा इशारा हवामान विभागाने दिला आहे. त्याचबरोबर मराठवाड्यातही काही भागात पाऊस पडत असून पुढच्या पाच दिवसांत पावसाचा अंदाज हवामान विभागाने व्यक्त केला आहे.

(Maharashtra State rain Update)

पुणे शहर, सिंहगड, खडकवासला या भागांत दुपारनंतर सायंकाळी साडेचारच्या सुमारास मुसळधार पावसाने हजेरी लावली आहे. तीन दिवसांच्या विश्रांतीनंतर विजेच्या गडगडाटासह पावसाने हजेरी लावली आहे. तसेच पुढील तीन ते चार तास पाऊस राहिल असाही इशारा देण्यात आलाय.

दरम्यान, नाशिक, धुळे, नंदुरबार, जळगाव, औरंगाबाद, अहमदनगर, पुणे, जालना, बुलढाणा, अकोला, अमरावती, वाशिम, वर्धा, नागपूर, चंद्रपूर, भंडारा, गोंदिया, गडचिरोली, यवतमाळ, नांदेड, सोलापूर, सांगली, सातारा, कोल्हापूर, रायगड, मुंबई, ठाणे, पालघर या जिल्ह्यात विजेच्या कडकडाटासह पावसाचा अंदाज वर्तवण्यात आला आहे.