शिवसेनेच्या बंडानंतर राज्याती राजकीय पक्षांच्या गोटात नेते फुटीची भीती निर्मान झाली आहे. राष्ट्रवादी काँग्रेस पक्षाचे आजपासून शिर्डीत मंथन शिबीराचं आयोजन करण्यात आलंय. या कार्यक्रमात विरोधी पक्षनेते अजित पवार यांनी आपल्या कार्यकर्त्यांना मोला सल्ला दिला आहे.

याशिबिराला शरद पवारांनी व्हिसीच्या माध्यमातून हजेरी लावली होती. या शिबिरात बोलताना विरोधी पक्ष नेते अजित पवारांनी पक्षाच्या नेत्यांना एक सल्ला दिला ते म्हणाले “ते आपल्या पक्षातील लोकांना पण आमिष दाखवली जात आहेत"

"आपल्या लोकांनाही काही सांगत आहेत. पण त्यांच्या आश्वासनाला बळी पडू नका. जे नेते पक्ष सोडून गेले त्यांना आता पश्चाताप होतोय. त्यांना वाटतं जे केलं ती चूक झाली. ज्या घरात वाढलो ते घर उद्ध्वस्त करणं योग्य नाही" त्यानंतर म्हणाले आगामी स्थानिक स्वराज्य संस्थांच्या निवडणुकींमध्ये आघाडीची वाट पाहत बसू नका. त्याबाबतचा निर्णय लवकरच होईल. मात्र तूम्ही कामाला लागा"

"आघाडीची वाट पाहत बसण्यापेक्षा स्वबळावर लढण्याची तयारी करा, आपली ताकद स्थानिक पातळीवर दिसली तरच मित्र पक्ष आपल्यासोबत चर्चा करायला येतील" असा मोलाचा सल्ला अजित पवारांनी आपल्या कार्यकर्त्यांना दिली आहे.