MahaVikas Aghadi Morcha : राज्यपाल भगतसिंग कोश्यारी यांच्याकडून महापुरूषांबद्दल वेळोवेळी करण्यात येणाऱ्या वादग्रस्त विधानांवरून राजकारण चांगलेच तापले आहे.

हेही वाचा : काय आहे सलाम किंवा कुर्निसाताचे महत्त्व राजशिष्टाचारांमध्ये

राज्यापालांच्या या वादग्रस्त विधानांविरोधात महाविकास आघाडीतर्फे मोर्चाचे आयोजन करण्यात आले होते. यावर राज्याचे उपमुख्यमंत्री देवेंद्र फडणवीस यांनी प्रतिक्रिया दिली. त्यात ते म्हणाले की, मविआचा आजचा महामोर्चा हा नॅनो मोर्चा होता, अशा शब्दांत उपमुख्यमंत्री देवेंद्र फडणवीस यांनी विरोधकांच्या मोर्चावर टीका केली.

त्यानंतर आता फडणवीसांच्या या टीकेला राष्ट्रवादीकडूनही प्रत्युउत्तर देत डिवचण्यात आले आहे. त्यामुळे आता हा वाद येत्या काळात आणखी चिघळण्याची शक्यता वर्तवली जात आहे.

फडणवीसांच्या टीकेला प्रत्युत्तर देताना राष्ट्रवादीचे नेते अमोल मिटकरी यांनी ट्वीट करत फडणवीसांवर हल्लाबोल केला आहे. यात मिटकरी म्हणतात की, देवेंद्रजी महाविकास आघाडीचा आजचा मोर्चा एकंदरीत पॉवरफुल झालाय. त्याचा ड्रोन शॉट एकदा वेळेनुसार बघुन घ्याल. तुमचा जळफळाट आम्हीं समजु शकतो.cool down असे म्हणत मिटकरींनी फडणवीसांना डिवचण्याचा प्रयत्न केला आहे. विशेष म्हणजे मिटकरींनी यामध्ये खुद्द फडणवीसांना टॅग केले आहे. त्यामुळे आता राष्ट्रवादीच्या या टीकेला फडणवीस नेमकं काय उत्तर देतात हे पाहणे महत्त्वाचे ठरणार आहे.