मुंबई - बहुचर्चित मराठा आरक्षणासाठी सुरू असलेलं जालना जिल्ह्यातील उपोषण आज अखेर संपुष्टात आलं. मराठा उपोषणकर्ते मनोज जरांगे पाटील यांनी आज मुख्यमंत्र्यांच्या उपस्थितीत उपोषण सोडलं. यावेळी मुख्यमंत्री एकनाथ शिंदे यांनी मराठा आरक्षणाबाबतची भूमिका स्पष्ट केली. त्याचवेळी त्यांनी जरांगे पाटील यांचं कौतुक केलं.

मुख्यमंत्री एकनाथ शिंदे म्हणाले की, मराठा समाजाला अधिकार मिळाला पाहिजे, मराठ्यांचे दुसऱ्या जातीशी कोणतेच मतभेद नाहीत, त्यामुळे रद्द झालेलं आरक्षण देण्याचा आपण प्रयत्न करणार आहोत. मराठा समाजाला आरक्षण देण्यास सरकार कटिबद्द आहे. कुणावरही अन्याय न करता आम्ही ते देणार आहोत.

मुख्यमंत्री शिंदे पुढं म्हणाले की, जोपर्यंत आरक्षण मिळणार नाही तोपर्यंत आम्ही मनोज सारखं स्वस्थ बसणार नाही. मराठा समाज आणि सरकार काही वेगळं नाही. त्यामुळे प्रोटोकॉल बाजूला ठेवून मनोजला भेटायचं मी ठरवलं होतं. दिल्लीत गेलो त्यावेळी मला विचारणयात आलं मनोज जरांगे पाटील है कौन? त्यावेळी मी म्हटलं जरांगे पाटील साधा कार्यकर्ता आहे. मनोज तुझा प्रामाणिक पणा आहे, म्हणून आम्ही सगळ्यांनी बैठक घेतली घेतल्याचही शिंदे म्हणाले.