बीड - ‘ओबीसी आरक्षणाला धक्का लागू नये, याची काळजी सरकारने घ्यावी. अमूक तारखेपर्यंत आरक्षण मिळालेच पाहिजे, ही मागणी बालिश आहे. मराठा समाजाला ओबीसीतून आरक्षण मिळणार नाही’, असे अन्न व नागरी पुरवठा मंत्री छगन भुजबळ यांनी मनोज जरांगे पाटील यांचे नाव न घेता शनिवारी सुनावले.
ओबीसी एल्गार सभेत भुजबळ बोलत होते. माजी मंत्री महादेव जानकर, आमदार गोपीचंद पडळकर, प्रकाश शेंडगे, नारायण मुंडे आदींची व्यासपीठावर उपस्थिती होती. भुजबळ म्हणाले, ‘आज गोपीनाथ मुंडे असते तर हे प्रश्न निर्माण झालेच नसते. ते नसल्यानेच ओबीसींच्या मागे संकटांची मालिका सुरू आहे.
बीडमध्ये विचारपूर्वक नियोजन करून जाळपोळ, हिंसाचार झाला. छत्रपती शिवाजी महाराजांसोबत सर्वच जाती-धर्माचे मावळे होते. आता महाराजांचे नाव घेत लोकांची घरे फुंकता हे शोभत का?’ असा सवालही त्यांनी केला.
जानकरांनी धरले पाय
‘गोपीनाथ मुंडे आणि छगन भुजबळ हे महाराष्ट्राचा हुंकार आहेत. आता गोपीनाथ मुंडे यांचे स्वप्न छगन भुजबळ यांनी पूर्ण करावे. त्यांनी मुख्यमंत्री व्हावे,’ असे म्हणत महादेव जानकर यांनी भाषण थांबवून छगन भुजबळ यांचे पाय धरले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.