बेळगाव - कर्नाटक सरकारच्या अधिवेशनाला प्रत्युत्तर देण्यासाठी बेळगावातील व्हॅक्सिन डेपो येथे सोमवारी महामेळाव्याचे आयोजन करण्यात आले होते. (Belgaum News) यावेळी मध्यवर्ती महाराष्ट्र एकीकरण समितीचे (Maharashtra ekikaran samiti) अध्यक्ष दीपक दळवी (Deepak dAlavi) यांच्यावर कन्नड गुंडांनी भ्याड शाईफेक हल्ला केला होता. याच्या निषेधार्थ समितीतर्फे बेळगाव बंदचे आवाहन करण्यात आले आहे. या घटनेसंदर्भात राज्यातील नेत्यांच्या प्रतिक्रिया येत आहेत.

दरम्यान, मंत्री एकनाथ शिंदे यांनी या घटनेचा तीव्र शब्दात निषेध व्यक्त केला आहे. याबद्दल त्यांनी सोशल मिडीयावर पोस्ट केली आहे. यात ते म्हणतात, महाराष्ट्र एकीकरण समितीचे शहराध्यक्ष दीपक दळवी यांच्यावर कन्नड वेदिकेच्या कार्यकर्त्यांनी केलेल्या भ्याड हल्ल्याचा तीव्र शब्दात निषेध व्यक्त करतो. तसेच या घटनेच्या निषेधार्थ एकीकरण समितीने पुकारलेल्या बेळगाव बंदला पाठिंबा जाहीर करतो. अशाप्रकारे केलेल्या भ्याड हल्ल्याने सीमा भागातील मराठी भाषिकांचे आंदोलन चिरडता येणे शक्य नाही. उलट अशा हल्ल्यामुळे मराठी भाषिकांची चळवळ आणखी जोमाने उभी राहील, यात कोणतीही शंका वाटत नाही. बेळगाव पोलिसांनी या घटनेला जबाबदार असलेल्या गुंडांना लवकरात लवकर अटक करावी अशी मागणी त्यांनी केली आहे. या लढ्यात महाराष्ट्र राज्य सोबत असल्याची ग्वाही सीमावर्ती भागातील नागरिकांना त्यांनी दिली आहे

बेळगावात मध्यवर्ती महाराष्ट्र एकीकरण समितीने (Maharashtra ekikaran samiti) पुकारलेल्या बंदला चांगला प्रतिसाद मिळत असल्याचे दिसून येत आहे. (Belgaum update) शहरासह तालुक्यातील अनेक गावांमध्येही कडकडीत बंद पाळण्यात आला आहे. अनेक गावातील बससेवाही खंडित झाली असून बंदचे पडसाद उमटण्यास सुरवात झाली आहे. (Belgaum Band)