Dilip Bankar : जितेंद्र आव्हाड यांना आमदार दिलीप बनकर यांनी प्रत्युत्तर दिले आहे. शरद पवार यांची साथ सोडा असे पत्र बनकर बैठकीत म्हटले होते, असा गौप्यस्फोट जितेंद्र आव्हाड यांनी केला आहे.

शिंदेंच्या बंडानंतर २४ तासांत सत्तेत सहभागी होण्यासाठी राष्ट्रवादीचं पत्र तयार होतं, त्यावर आपणही सही केल्याचे त्यांनी म्हटलं आहे. मात्र जयंत पाटील यांनी ते पत्र पुढे दिले नाही. पण याला विरोध करणारा पहिला आमदार प्राजक्त तनपुरे होता तो म्हणाला होता हे योग्य नाही.

ज्या बैठकीत पत्रावर सह्या घेतल्या गेल्या. त्या बैठकीत आमदार दिलीप बनकरांनी भूमिका मांडली होती की पवारसाहेबांचं वय झालं आहे, त्यांना राहू द्या आपण भाजपला पाठिंबा देऊयात, याला जयंत पाटील यांनी विरोध केला होता, असा गौप्यस्फोट आव्हाड यांनी केला. यावर दिलीप बनकर यांनी उत्तर दिले आहे.

बनकर म्हणाले, शरद पवार आमचे दैवत आहेत. जयंत पाटील यांना कुठलेही पत्र मी दिले नाही. शरद पवार मला वडीलांसारखे. जितेंद्र आव्हाड यांनी खोट सांगितलं आहे. एक पत्र दाखवा, पत्र सापडले तर मी राजकारण सोडेल. कुणाची प्रतिमा मलीन करण्याचे काम कुणीही करु नये.

आम्ही कुठलही पत्र दिले नाही त्यांनी माध्यमांसमोर पत्र दिले नाही. राष्ट्रवादी पक्ष आणि घड्याळ मी कधीही सोडणार नाही. पवार परिवार एकच आहे, कुणीही फूट पाडू नये. पवार आणि बनकर कुटुंबात फूट पाडावी म्हणून, आव्हाडांने असे वक्तव्य केले आहे.