Raj Thackeray Speech : मनसेचा गुढी पाडवा मेळावा आज मुंबईत पार पडत आहे. या मेळाव्यामध्ये राज ठाकरे काय बोलणार याकडे सगळ्या महाराष्ट्राचं लक्ष लागलेलं आहे. अशातच आता मनसे नेते संदीप देशपांडे यांनी केलेल्या विधानामुळे मनसैनिकांचं कुतूहल चाळवलं आहे.
राज ठाकरे आज कोणते मुद्दे मांडणार, कोणत्या मुद्द्यांवर भाषण करणार, याकडे सगळ्या राज्याचं लक्ष लागलेलं आहे. दरम्यान, आज गुढीपाडवा मेळाव्यामध्ये बोलताना संदीप देशपांडे यांनी एक सूचक विधान केलं आहे. राज ठाकरेंचं आजचं भाषण म्हणजे तुरटी आणि अणुबॉम्ब असणार, अशा आशयाचं विधान संदीप देशपांडे (Sandeep Deshpande) यांनी केलं आहे.
आजच्या भाषणाबद्दल बोलताना संदीप देशपांडे म्हणाले, "दरवर्षी मनसेच्या गुढी पाडवा मेळाव्यात एक नवीन संदेश घेऊन राज ठाकरे समोर येतात. सध्या जे गलिच्छ आणि खालच्या दर्जाचं राजकारण सुरू आहे, त्यावर तुरटी फिरवण्याचं काम राज ठाकरेंचं आजचं भाषण करेल".
"राज ठाकरेंचा रेकॉर्ड फक्त तेच मोडू शकतात"
आजची सभा रेकॉर्ड ब्रेक होणार हे अप्रत्यक्षपणे सांगताना संदीप देशपांडे म्हणाले, "राज ठाकरेंचं भाषण अणुबॉम्ब असेल, त्याचे हादरे सगळ्यांनाच बसणार आहेत. राज ठाकरेंची सभा नेहमीच रेकॉर्डब्रेक असते. त्यांच्या आधीच्या सभांचे रेकॉर्ड फक्त तेच मोडू शकतात. बाकी कोणालाही ते शक्य नाही."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.