भारतात आता मान्सूनचं आगमन झालेलं आहे. मान्सून आता दक्षिण-पश्चिम विस्तारला आहे. त्यामुळेच काही भागांत अतिवृष्टी झाल्याच्या बातम्या येत आहेत. हवामान विभागाने आता गुजरात, ओडिसा, झारखंडचा काही भाग, सिक्कीम आणि पश्चिम बंगालच्या काही भागात हलक्या ते मध्यम पावसाचा इशारा दिला आहे. तर उत्तर प्रदेश, पंजाब, हरयाणा, दिल्ली आणि जम्मू काश्मीरमध्येही हलक्या सरींची शक्यता आहे. (Maharashtra Monsoon Updates)

येत्या पाच दिवसांमध्ये अनेक राज्यांत पावसाची शक्यता आहे. गुजरात, कोकण, गोवा, कर्नाटकाचा किनारपट्टीचा भाग, तेलंगण, तमिळनाडू, पाँडिचेरी, केरळ या भागात मुसळधार पावसाचा अंदाज आहे. तर ४ ते ७ जुलै या काळात मध्य महाराष्ट्रात जोरदार पावसाचा अंदाज वर्तवण्यात आला आहे. (Weather Updates)

हवामान विभागाने (IMD) दिलेल्या माहितीनुसार, मध्य भारतातही बहुतांश भागातही येत्या पाच दिवसांत अतिवृष्टीचा इशारा देण्यात आला आहे. यामध्ये मध्य प्रदेश, छत्तीसगढ आणि विदर्भातही मुसळधार पाऊस पडेल असा अंदाज आहे.झारखंड, सिक्कीम, ओडिसा आणि पश्चिम बंगालमध्येही येत्या पाच दिवसांत मुसळधार पाऊस होण्याची शक्यता आहे.