मुंबई : राज्यात कोविड बाधितरुग्णांमध्ये (corona new patients) वाढ सुरूच असून आज 46,197 नवीन रुग्णांची नोंद झाली. कोरोनाबाधित रुग्णांची एकूण संख्या 73,71,757 झाली आहे. आज पुन्हा एकदा मुंबई, नाशिक, पुणे मनपा, पिंपरी चिंचवड मनपा परिसरात अधिक रुग्ण आढळले. राज्यात कोरोनातून (Maharashtra corona update) बरे होणाऱ्या रुग्णांची संख्या वाढली आहे. आज 52,025 रुग्ण कोरोनामुक्त झाले. कोरोनातून बरे होणाऱ्या रुग्णांची संख्या 69,67,432 इतकी आहे. राज्यातील रुग्ण बरे होण्याचे प्रमाण वाढून 94.52 % एवढे झाले आहे. (More than forty six thousand new corona patients found in Maharashtra)

राज्यात 37 रुग्णांचा मृत्यू झाला आहे. मृतांचा एकूण आकडा 1,41,971 इतका झाला आहे. राज्यातील मृत्यूदर 1.92 टक्क्यांपर्यंत खाली आला आहे. नागपूर, अकोला, औरंगाबाद, कोल्हापूर मंडळात एकाही मृत्यूची नोंद झाली नाही. तर ठाणे 27,नाशिक 4,पुणे 5,लातूर 1 मृत्यू नोंदवले गेले. सध्या राज्यात 24,21,501 व्यक्ती होमक्वारंटाईनमध्ये आहेत तर 3,391 व्यक्ती संस्थात्मक क्वारंटाईनमध्ये आहेत. सक्रिय रुग्णांची संख्या वाढून 2,58,569 इतकी झाली आहे.