मुंबई: पोलिस दबावाखाली काम करत आहेत.नाशिकमध्ये तक्रार दाखल करून घ्यायला नकार दिला जात आहे. नारायण राणेंनी (Narauan Rane) केलेल्या वक्तव्यावर कारवाई केली जाते मग नाना पटोलेंवर का नाही? असा सवाल भाजपचे प्रदेशाध्यक्ष चंद्रकांत पाटील (Chandrakant Patil) यांनी मुंबई झालेल्या पत्रकार परिषदेत केला.

ते म्हणाले, वादग्रस्त विधान करणं हा नाना पटोलेंचा (Nana Patole)स्वभाव आहे. त्यांच्या नेत्यांकडून त्यांनी गुण घेतले आहेत. हम करें सो कायदा अस राज्यातील चित्र सध्या आहे. आम्ही याची तक्रार राज्यपालांकडे करणार आहोत असेही ते म्हणाले.

नौटंकी करण्यात मोदी हुशार आहेत असं ते पंजाबमध्ये मोदींचा रस्तारोको घटनेवेळी बोलले होते. काल भंडारा मध्ये ते पुन्हा मोदींना शिव्या घालू शकतो, मारू शकतो असे म्हणाले. पटोले यांच्या विरोधात आमचे नेते राज्यभर आंदोलन करत आहेत. मात्र आमच्या तक्रारी पोलिस देखील ऐकून घेत नाहीत. गावोगावी पोलिस प्रशासन आम्हांला हैरान करत आहेत. आम्ही नानांच्या विरोधात कोर्टात जाणार आहोत.असा इशाराही त्यांनी यावेळी दिला.

नवाब मलिक (Nawab Malik) यांच्या वक्तव्यावर प्रतिक्रिया देताना ते म्हणाले, नवाब मलिक म्हणतात देवेंद्र फडणवीस यांना काशीचा घाट दाखवणार. काशीचा घाट म्हणजे मृत्यू . म्हणजे नेमक काय दाखवणार? देवेंद्र फडणवीस (Devendra Fadnavis) यांच्या जिवाला धोका आहे. फडणवीसांना काशीचा घाट दाखवू म्हणणाऱ्या नवाब मलिक यांच्यावर कारवाई व्हावी अशी मागणी चंद्रकांत पाटील यांनी यावेळी केली.