राज्यात सक्तवसुली संचलनालयाने अॅड. सतीश उके यांच्यावर कारवाई केली आहे. पहाटे सक्तवसुली संचलनालयाची टीम नागपुरात दाखल झाली. त्यांनी उके यांच्या घरात छापेमारी सुरू केली. एका जमीन गैरव्यवहाराच्या प्रकरणात ईडीने ही कारवाई केल्याचं समोर आलंय.

पण उकेंच्य अटकेनंतर आता नाना पटोलेंच्या अडचणी वाढल्याचं दिसतंय. उके हे पटोले यांचे वकील आहेत. नाना पटोलेंचा गावगुंड 'मोदी' सतीश उके यांनीच प्रेस कॉन्फरन्स घेऊन समोर आणला. नागपूरचे पोलीस आय़ुक्त यांच्याविरोधातही त्यांनी माहिती दिली होती. नाना पटोले यांनी नितीन गडकरींविरोधात केस दाखल केली आहे. या खटल्यात सतीश उके पटोलेंचे वकील आहेत.

यानंतर आता नाना पटोलेंनी सूचक ट्वीट केलंय.

मोदी सरकार आणि देशाच्या विरोधात आवाज उठवणाऱ्या शक्तींविरोधात मोदी सरकार केंद्रीय यंत्रणांचा गैरवापर करत असल्याचा आरोप पटोले यांनी केला. अशा व्यक्तींचं तोंड बंद करण्याचा प्रयत्न केंद्र सरकार करत असल्याचं त्यांनी म्हटलं. मात्र देश वाचवण्यासाठी आम्ही लढत राहू, असं ट्वीट नाना पटोलेंनी केलंय.