नागपूर - मागील काही दिवसांपासून काँग्रेस पक्षातील अंतर्गत गोंधळ सातत्याने समोर येत आहे. काही दिवसांपूर्वीच नाशिक पदवीधर मतदार संघाच्या उमेदरीवरून मोठा गोंधळ झाला होता. नागपूर येथील पदवीधर निवडणुकीतही असाच गोंधळ झाला आहे. त्यातच काँग्रेस नेते आशिष देशमुख यांनी यावरून प्रदेशाध्यक्ष नाना पटोले यांना अल्टीमेटम दिलं आहे. (Nana Patole news in Marathi)

उमेदवारीबाबतचा गोंधळ नाना पटोले यांच्यामुळे सुरू आहे. शिक्षक मतदार संघात सुधाकर आडबले यांना काँग्रेसच्या नेत्यांनी समर्थन दिलं, ते वैयक्तिक आहे. मात्र पदवीधर निवडणुकीत शिक्षक भारतीचे राजेंद्र झाडे यांनी काँग्रेसला मदत केली होती. त्यामुळे त्यांना शिक्षक मतदारसंघात मदत करण्याचे काँग्रेस नेत्यांनी वचन दिलं होतं. त्यामुळं आश्वासन पाळत आहोत, आणि राजेंद्र झाडे यांना समर्थन देतोय, असं आशिष देशमुख म्हणाले.

मी अजित पवार, उद्धव ठाकरे यांच्याशी सुद्धा बोलणार की राजेंद्र झाडे यांना समर्थन द्यावं. नागपूर मतदारसंघात राजेंद्र झाडे हे विजयी होऊ शकणारे उमेदवार आहे, असं सांगतानाच देशमुख यांनी काँग्रेस नेत्यांनी जे समर्थन जाहीर केलं, ते त्यांचं वैयक्तिक असून त्यांना समर्थन जाहीर करण्याचा अधिकार नसल्याचं म्हटलं.

दरम्यान प्रदेशाध्यक्षांनी आज राजेंद्र झाडे यांना महाविकास आघाडीचं समर्थन जाहीर करावं. अन्यथा प्रदेशाध्यक्ष पद सांभाळता येत नसेल त्यांना पदावरून हटवावं, असही देशमुख यांनी म्हटलं.

हेही वाचा दुधदुभते मुबलक हवे....मग हे नक्कीच वाचा