नाशिक- राष्ट्रावादी काँग्रेस पक्षात मोठी फूट पडली असून अजित पवार यांनी मोठा गट घेऊन भाजपसोबत हातमिळवणी केली. शिवाय सरकारमध्ये सामील होऊन उपमुख्यमंत्रीपदाची शपथ घेतली. तर तिकडे शरद पवारांनी महाराष्ट्र दौरा जाहीर केली आहे. त्यामुळे राजकारण तापलं आहे. मात्र यावरून भारत राष्ट्रसमितीचे नेते हर्षवर्धन जाधव यांनी शरद पवारांवर जोरदार टीका केली.

हर्षवर्धन जाधव यांनी नाशिकमध्ये आपल्या कार्यकर्त्यांची एक बैठक आयोजित केली होती. यावेळी बोलताना त्यांनी सध्या महाराष्ट्रात आणि देशात सुरू असलेल्या राजकारणावर सडकून टीका करतानाच आमच्यासाठी फक्त आणि फक्त शेतकरी हा केंद्रस्थानी असल्याचं म्हटलं. बाकी राजकारणात आम्हाला पडायचं नाही. सध्या महाराष्ट्रातील राजकारण मुर्खपणाचं झाल्याची टीका त्यांनी केली

शरद पवार यांच्याबाबत बोलतानाच पवार साहेबांनी आयुष्यभर याचा काटा काढ त्याचा काटा काढ, याचा गेम कर, त्याचा गेम कर अशा पद्धतीचे राजकारण केलं. मात्र त्यांच्या या राजकारणामुळे शेतकऱ्याचाच गेम झाला आहे. आता तरी कुठेतरी त्यांनी थांबावं असा टोला हर्षवर्धन यांनी लगावला.