मुंबई : महाराष्ट्राला संकटातून वाचवता यावे यासाठी ११ वेळा हनुमान चालिसाचे पठण केले आहे. फक्त संकटमोचककडून आशा आहे की ते या संकटातून राज्याला वाचवेल, असे टीकास्त्र संकटात सापडलेल्या उद्धव ठाकरे (uddhav Thackeray) सरकारवर खासदार नवनीत राणा यांनी सोडले. महाविकासआघाडीचे सरकार आपल्याच कृत्याने पडणार असल्याचेही नवनीत राणा (Navneet Rana) म्हणाल्या. (Navneet Ranas tola when Thackeray government is in trouble)

राज्यसभा आणि विधान परिषदेत अशा प्रकारे मतदान झाल्याने महाविकास आघाडीत शिवसेनेचे आमदार खूश नाहीत. त्यांनीच विधान परिषदेच्या निवडणुकीत भाजपच्या उमेदवाराला मतदान करून विजयी केले. अडीच वर्षे महाराष्ट्र बुडताना पाहत आहोत. महाराष्ट्रावरचे संकट लवकर संपले पाहिजे. राज्याचे नुकसान होताना आमदार पाहू शकत नाही. हे संकट लवकर दूर झाले पाहिजे. शिवसेनेतील अंतर्गत मतभेदांमुळे हे संकट निर्माण झाले आहे. हे सरकार उद्धव ठाकरे यांच्याच कृतीमुळे पडणार आहे, असेही नवनीत राणा (Navneet Rana) म्हणाल्या.

मुख्यमंत्री उद्धव ठाकरे (uddhav Thackeray) यांच्या घराबाहेर हनुमान चालिसा वाचण्याची घोषणा केल्याने राणा दाम्पत्य वादात सापडले होते. नवनीत राणा यांना पती रवी राणांसह तुरुंगात जावे लागले होते. रवी राणा हेही आमदार असून, नवे सरकार स्थापन झाल्यास त्यांचीही भूमिका महत्त्वाची ठरणार आहे. या सरकारचा जनतेशी संपर्क तुटला आहे, असेही नवनीत राणा (Navneet Rana) म्हणाल्या.

शिंदे यांच्या संतापाचा शिवसेनेला फटका

महाराष्ट्र सरकारमधील ज्येष्ठ मंत्री एकनाथ शिंदे यांनी शिवसेना नेतृत्वाविरोधात बंडखोरी केली आहे. तीन मंत्री आणि जवळपास २६ आमदारांसह ते सुरतमधील हॉटेलमध्ये थांबले आहेत. शिवसेनेतल्या (shiv sena) बाचाबाचीमुळे ते नाराज असल्याचे बोलले जात आहे. एकनाथ शिंदे यांच्या संतापाचा शिवसेनेला मोठा फटका बसला असून, उद्धव ठाकरेंनी मुंबईत तातडीची बैठक बोलावली आहे.