Speculation Sameer Wankhede Join BJP: महाविकास आघाडी सरकारच्या (Mahavikas Aghadi) काळात एनसीबीच्या (NCB) माध्यमातून ड्रग्ज तस्कर आणि बॉलीवूड इंडस्ट्रीला हादरवून सोडणारे समीर वानखेडे (Sameer Wankhede) हे लवकरच राजकारणाच्या रिंगणात पाऊल ठेवण्याची शक्यता वर्तवली जात आहे.

समीर वानखेडे भाजपमध्ये प्रवेश करणार असल्याच्या चर्चांना उधान आलं आहे. आणि त्याला करण ठरलं आहे ते नागपूरच्या रेशीमबाग येथील राष्ट्रीय स्वयंसेवक संघाच्या मुख्यालयाला समीर वानखेडे आणि पत्नी क्रांती रेडकर यांनी दिलेली भेट.

समीर वानखेडे आणि त्यांची पत्नी क्रांती रेडकर यांनी रविवारी नागपूरच्या रेशीमबाग येथील राष्ट्रीय स्वयंसेवक संघाच्या मुख्यालयाला भेट दिली. यावेळी त्यांनी सरसंघचालक मोहन भागवत यांचीही भेट घेतली. त्यानंतर केशव हेडगेवार आणि गोळवलकर यांच्या समाधीवर जाऊन फुलं वाहून दर्शन घेतले. त्यामुळे समीर वानखेडे आता भाजपमध्ये जाणार असल्याच्या चर्चांना उधान आलं आहे.

दरम्यान वाशिम जिल्ह्यातील (Washim District) एका वृत्तपत्रात समीर वानखेडे आणि त्यांची पत्नी क्रांती रेडकर (Kranti Redkar) यांच्या दिवाळीच्या शुभेच्छा देणारी जाहिरात सध्या प्रचंड चर्चेचा विषय ठरली होती. वृत्तपत्राच्या एका संपूर्ण पानावर समीर वानखेडे आणि क्रांती रेडकर यांचं छायाचित्र झळकलं होतं.

वाशिम जिल्ह्यातील सर्व नागरिक आणि शेतकऱ्यांना वानखेडे परिवाराकडून दिवाळीच्या हार्दिक शुभेच्छा. ही दिवाळी तुम्हाला आनंदमय आणि भराभराटीची जावो, असा मजकूर या जाहिरातीमध्ये (Diwali Advertisement) देण्यात आला होता. जाहिरात प्रसिद्ध झाल्यानंतर आणि राष्ट्रीय स्वयंसेवक संघाच्या मुख्यालयाला भेट दिल्यामुळे राजकीय वर्तुळात जोरदार चर्चा सुरु झाली आहे.