मुंबई : राज्याच्या राजकारणात काल एक मोठा राजकीय भुकंप झाल्याचे पाहायला मिळाले. राष्ट्रवादीचे ज्येष्ठ नेते अजित पवार हे ८ अमदारांसोबत शिंदे-फडणवीस सरकारमध्ये सहभागी झाले. दरम्यान अजित पवारांनी महाराष्ट्राचे दुसरे मुख्यमंत्री म्हणून शपथ घेतली असून आज पहिल्यांदाच मुख्यमंत्री एकनाथ शिंदे, उपमुख्यमंत्री देवेंद्र फडणवीस व उपमुख्यमंत्री अजित पवार एका कार्यक्रमात एकत्र येणार आहेत.
महिला व बालविकास विभागाच्या 'राजमाता जिजाऊ युवती स्वसंरक्षण प्रशिक्षण' कार्यक्रमाचा आज शुभारंभ करण्यात येणार आहे. मंत्रालयात आज दुपारी २ वाजता महिला व बालविकास विभागाद्वारे कार्यक्रमाचे आयोजन करण्यात आले आहे. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस व उपमुख्यमंत्री अजित पवार हे प्रथमच एकत्र उपस्थित राहण्याची शक्यता आहे.
अदा शर्माची उपस्थिती
दरम्यान महिला व बाल विकास मंत्री मंगल प्रभात लोढा यांनी आयोजित केलेल्या या कार्यक्रमात वादात सापडलेला चित्रपट'द केरळ स्टोरी' फेम अभिनेत्री अदा शर्मा ही सुद्धा उपस्थित असणार आहे.
राज्यात राजकीय घडामोडींना वेग
दरम्यान अजित पवारांच्या शपथविधीनंतर राज्यतील राजकीय वर्तुळात घडमोडींना प्रचंड वेग आला आहे. काल शरद पवारांनी जाहीर केलं होतं की आपण जनतेच्या न्यायालयात जाऊ, त्यानुसार ते आज सकाळीच कराड दौऱ्यावर रवाना झाले आहेत. कराड येथे त्यांची जाहीर सभा देखील होणार आहे.
तर इकडे अजित पवारांनी त्यांच्या समर्थक आमदारांची महत्वपूर्ण बैठक बोलवली आहे. आगामी काळातील वाटचालीबद्दल अजित पवार आमदारांना मार्गदर्शन करणार आहेत, तसेच त्यांच्याकडून सोबत असलेल्या आमदारांच्या आकड्याची घोषणा देखील होऊ शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.