अजित पवारांचा गट हाच खरा राष्ट्रवादी काँग्रेस असल्याचा निर्णय आज निवडणूक आयोगाने दिला आहे. आगामी राज्यसभा निवडणुकांच्या पार्श्वभूमीवर निवडणूक आयोगाने शरद पवार गटाला नवीन नाव आणि चिन्ह देण्यासाठी विशेष सवलत प्रदान केली आहे. शरद पवार गटाने ७ फेब्रुवारी दुपारी ३ वाजेपर्यंत तीन नावे सादर करण्यास सांगितले आहे.
दरम्यान, लोकसभा, राज्यसभा निवडणुकीच्या पार्श्वभूमीवर शरद पवार गटाकडून तयारी सुरू करण्यात आली होती. पक्ष आणि चिन्ह याबाबतचा निर्णय निवडणुक आयोगाने आपल्या बाजूने दिला नाही तर पक्षाच्या चिन्हासाठी काय पर्याय असणार यासंदर्भात शरद पवार गटाची बैठक पार पडली होती.
या बैठकीमध्ये शरद पवारांनी चिन्हाची यादी देखील केली होती. आता शरद पवार गटाला उद्यापर्यंत त्यांच्या नव्या पक्षाचे नाव आणि चिन्ह जाहीर करावं लागणार आहे. आगामी निवडणुकांमध्ये शरद पवार कोणत्या नावावर आणि चिन्हावर निवडणूक लढवणार हे पाहणंही महत्त्वाचं ठरणार आहे.
दरम्यान, निवडणूक आयोगाने हा मोठा निकाल जाहीर केल्यानंतर शरद पवारांकडे दोन पर्याय आहेत. निवडणूक आयोगाने दिलेल्या या निर्णयावर शरद पवार सर्वोच्च न्यायालयाकडे दाद मागू शकतात किंवा आता शरद पवारांना पक्षासाठी नवं नाव आणि चिन्ह द्यावं लागणार आहे. तसेच निवडणूक आयोगाने शरद पवार गटाला नवीन नाव आणि चिन्ह देण्यासाठी उद्यापर्यंतचा वेळ दिला आहे, त्यानंतर आता शरद पवार काय प्रतिक्रिया देणार आणि कोणता निर्णय घेणार हे पाहणं महत्त्वाचं ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.