राष्ट्रवादीचे आमदार रोहित पवार यांनी पुन्हा राज्यातल्या विकास प्रकल्पावरुन राज्यातल्या शिंदे फडणवीस सरकारवर निशाणा साधला आहे. फॉक्सकॉनचे सीईओ राज्यभरात गुंतवणुकीसाठी फिरत असूनही सरकारने त्यांची भेट का घेतली नाही, असा प्रश्नही रोहित पवारांनी विचारला आहे.

आपल्या ट्वीटमध्ये आमदार रोहित पवार म्हणतात, "Foxconn चे सीईओ यांनी नव्या गुंतवणुकीसाठी भारतात ८ दिवस दौरा केला, तेलंगणा सेमीकंडक्टरसाठी, कर्नाटक आयफोन प्रकल्पासाठी अशी अनेक राज्यांची शिष्टमंडळे त्यांना भेटली. परंतु १८-१८ तास जनसेवेची कामे करणारे आमचे धडाकेबाज सरकार Foxconn च्या CEO यांना का भेटले नसावे?"

काही दिवसांपूर्वी रोहित पवार यांनी केंद्र सरकारच्या विमान तयार करण्याच्या प्रकल्पाविषयीही भाष्य केलं होतं. केंद्र सरकार एम्ब्रेअर आणि सुखोई कंपन्यांसोबत नवा प्रकल्प आणण्याचा तयारीत आहे. हा प्रकल्प गुजरातमध्ये होणार आहे, पण हा प्रकल्प महाराष्ट्रात आणावा, अशी मागणी राष्ट्रवादीचे आमदार रोहित पवार यांनी केली होती.