मुंबई: केंद्रीय मंत्री नारायण राणे (narayan rane) यांनी मुख्यमंत्री उद्धव ठाकरे (uddhav thackeray) यांच्यावर आक्षेपार्ह टिका केल्यानंतर राणेंच्या जुहू येथील घराबाहेर राणे समर्थक आणि शिवसेनेचे युवा सैनिक (yuva sena) एकमेकांसमोर आले होते. यावेळी दोन्ही बाजूचे कार्यकर्ते परस्परांना भिडले. (clash) या वेळी परिस्थिती नियंत्रणांत आणण्यासाठी पोलिसांना लाठीचार्ज करावा लागला होता.

या लाठीचार्जमध्ये मोहसिन शेख गंभीर जखमी झाला होता. रुग्णालयात त्याच्या भेटीसाठी शिवसेनेतील बड्या नेत्यांनी धाव घेतली होती. याच मोहसिनची आता युवासेनेच्या सचिवपदी नियुक्ती करण्यात आली. युवा सेनेचा ढाण्या वाघ असे म्हणत वरूण सरदेसाई यांनी त्याला शुभेच्छा दिल्या आहेत.

नारायण राणेंच्या त्या वक्तव्यानंतर संपूर्ण महाराष्ट्रातील राजकीय वातावरण ढवळून निघालं होतं. नारायण राणेंच्या विधानाविरोधात राज्यभरात शिवसैनिकांनी (shivsainik) आक्रमक होत, हिंसक आंदोलन (protest) केली. कुठे नारायण राणेंच्या पोस्टरला काळं फासलं, कुठे पोस्टर फाडली, प्रतिकात्मक पुतळण्याचे दहन केले. काही ठिकाणी भाजपा कार्यालयांवर हल्ले केले.