“जरुरत से जादा इमानदार हू मैं, इसलिए सबके नजरों में गुनहगार हु”. मला आता पक्षाला त्रास द्यायचा नाही. असं वक्तव्य भाजप नेत्या पंकजा मुंडे यांनी केले आहे. तसेच त्यांनी मी आता २०२४ च्या निवडणुकीच्या तयारीला लागले आहे. असे सूचक वक्तव्यही मुंडे यांनी केलं आहे. त्यांच्या या वक्तव्यामुंळे राजकीय वर्तुळात खळबळ माजली आहे. ( Pankaja Munde Dasara Melava Speech Devendra Fadnavis bjp maharashtra politics crisis )

पंकजा मुंडे यांचा बीड येथे दसरा मेळावा होत आहे. दसरा मेळाव्यानिमित्ताने सावरगावातील भक्तीगडावरून त्या जनतेशी संबोधित करत होत्या. यावेळी त्यांनी राजकीय फटकारेही लगावले.

यावेळी बोलताना त्यांनी नाराजीच्या चर्चेवर मौन सोडले. “जरुरत से जादा इमानदार हू मैं, इसलिए सबके नजरों में गुनहगार हु”. मला आता पक्षाला त्रास द्यायचा नाही. कोणत्याही नेत्याबद्दल काही बोलायचं नाही. आपण आपलं शांत राहायचं. मी दुर्गेचं रुप धारण करावं असं तुम्हाला वाटतं, ते मी करेन. असे आश्वासन पंकजा मुंडे यांनी जनतेला दिले.

तसेच, मला गर्व नाही, मला स्वाभिमान आहे. माझ्या लेखी नाराजीचा विषय संपला आहे. ज्यांना मंत्री करायचं ते करतील, आपण २०२४ च्या तयारीला लागलं पाहिजे. अस सूचक वक्तव्यही मुंडे यांनी केलं आहे.

माझ्या नाराजीची चर्चा बंद करा, कोणीही नाराज नाही. कुणाचीही अवहेलना करू नका, कुणाचा अपमान करू नका. ही माझी इच्छा आहे. इतके दिवस मी कधीच यावर बोलले नाही. मौन बाळगलं. कारण माझा तसा स्वभाव नाही. असे सांगत त्यांनी नाराजीच्या चर्चेला पुर्णविराम दिला.