मुंबई : अतिवार्धक्य किंवा स्मृतिभ्रंश,अर्धांगवायू, रुग्णशय्याधिनता किंवा इतर शारीरिक व्याधी आणि दुर्धर आजारांमुळे निवृत्तिवेतनविषयक बॅंक खात्याचे व्यवहार व्यक्तिशः: हाताळू न शकणाऱ्या निवृत्तिवेतनधारकांना आता घरबसल्या पेन्शन मिळू शकणार आहे. त्यांना विश्वासू व्यक्तीची पालक (गार्डियन) नियुक्ती करून त्यांच्यामार्फत बॅंकेतून पेन्शन काढता येईल.

अनेक वेळा अशा निवृत्तिवेतनधारकांसह त्यांचे वैवाहिक जीवनसाथीदार देखील अशाच प्रकारच्या शारीरिक-मानसिक दुर्बलतेमुळे निवृत्तिवेतन विषयक संयुक्त बॅंक खात्याचे व्यवहार हाताळू शकत नाहीत.

अथवा त्यांचे वैवाहिक जीवनसाथीदार हयातच नसतील, तर राष्ट्रीय न्यास अधिनियम, १९९९० अंतर्गत पालक (गार्डियन) नियुक्ती सुविधांपैकी त्यांना सोयीच्या असलेल्या कोणत्याही सुविधेचा वापर करता येईल, असे शासन निर्णयात नमूद करण्यात आले आहे.