शरद पवारांच्या गडाला सुरूंग लावण्यासाठी भाजपनं चंग बांधला आहे. बारामती जिंकण्यासाठी भाजपने मोठी ताकत लावली आहे. गेल्या महिन्यात केंद्रीय मंत्री निर्मला सीतारमन यांनी बारामती मतदार संघाचा दौरा केला होता. बारामती मतदार संघ हा पवारांचा बालेकिल्ला आहे.

बारामती जिंकण्यासाठी केंद्रीय अर्थमंत्री निर्मला सीतारमण यांच्याकडे जबाबदारी देण्यात आली आहे. एकीकडे भाजप ही जागा जिंकण्याची तयारी करत आहे. तर दुसरीकडे भाजपचा मित्र पक्ष राष्ट्रीय समाज पक्ष देखील या जागेवर दावा करत असल्याचे समजते. इंदापूरमध्ये आयोजित पक्षाच्या मेळाव्यात रासपचे प्रदेशाध्यक्ष काशीनाथ शेवते यांनी त्या बाबातचे संकेत दिले आहेत.

शेवते म्हणाले "बारामती लोकसभा मतदारसंघातील राष्ट्रीय समाज पक्षाच्या सर्व पदाधिकाऱ्यांचा मेळावा झाला. सर्व कार्यकर्त्यांच्या आग्रहास्तव रासपच्या माध्यमातून येणाऱ्या लोकसभेला महादेव जानकर यांना उमेदवारी देऊन उभं करणार आहोत. महादेव जानकरांनी २०१४ ला झालेल्या लोकसभेच्या निवडणूकीत सुप्रिया सुळे यांना तगड आव्हान दिलं होत. २०१४ च्या जानकर यांनी बारामतीतून राष्ट्रवादीच्या सुप्रिया सुळे यांची दमछाक केली होती. लाखोंच्या फरकाने विजयी होणाऱ्या सुप्रिया सुळे केवळ 70 हजार मतांनी विजयी झाल्या. त्यामुळे आता पुन्हा एकदा बारामती लोकसभा निवडणूकीच्या रिंगणात जानकर उतरणार आशा चर्चा रंगू लागल्या आहेत.