पुणे पोटनिवडणुकीच्या पार्श्वभूमीवर राज्यातील राजकारण चांगलेच तापले आहे. दरम्यान, या राजकीय गोंधळात मुख्यमंत्री एकनाथ शिंदे यांनी सर्वपक्षीय नेत्यांना फोन केला आहे. त्यामुळे राजकीय वर्तुळात चर्चेला उत आला आहे.

पुण्यातील पोटनिवडणुक बिनविरोध व्हावी यासाठी राज्याच्या मुख्यमंत्री एकनाथ शिंदे यांनी सर्वपक्षीय नेत्यांना फोन केल्याची माहिती समोर आली आहे. मात्र, शिवसेना खासदार संजय राऊत यांनी ही निवडणुक बिनविरोध होणार नाही. असे स्पष्ट केलं आहे.

पुण्यातील कसबा आणि पिंपरी चिंचवड विधानसभा मतदारसंघातून पोटनिवडणुकीसाठी भाजपने आपल्या उमेदवारांची घोषणा केली आहे. तर, महाविकास आघाडीनेही त्यांच्या उमेदवारांची नावे निश्चित केली आहे.

याशिवाय, मनसे अध्यक्ष राज ठाकरे यांनी या निवडणुकीसाठी कंबर कसली आहे. मात्र या सर्वाला मुख्यमंत्री शिंदे यांनी विरोध दर्शवला आहे. पुण्यातील पोट निवडणूक बिनविरोध व्हावी, यासाठी विविध पक्षांतील नेत्यांना फोन केला आहे.

एकनाथ शिंदे यांनी राष्ट्रवादी काँग्रेसचे अध्यक्ष शरद पवार, काँग्रेसचे नाना पटोले आणि मनसे अध्यक्ष राज ठाकरे यांच्यासह अजित पवार आणि जयंत पाटील यांना फोन केल्याची माहिती समोर येत आहे.