Uddhav And Raj । शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे आणि महाराष्ट्र नवनिर्माण सेनेचे अध्यक्ष राज ठाकरे हे दोघेही एकत्र येणार असल्याच्या चर्चा गेल्या काही दिवसांपासून मोठ्या प्रमाणावर रंगल्या आहेत.

राज ठाकरे आणि उद्धव ठाकरे हे दोघेही भाऊ राजकारणात एकत्र आले पाहिजेत असे मत कित्येक शिवसैनिक व मनसैनिक व्यक्त करत आहेत. याच प्रश्नाला आज उद्धव ठाकरे यांनी उत्तर दिले आहे.

आवाज कोणाचा या पॉडकास्ट मध्ये संजय राऊत यांना मुलाखत देताना उद्धव ठाकरे म्हणाले की, मधल्या काळात आम्ही दोघे एकत्र येणार असल्याच्या चर्चा झाल्या. मात्र त्या आता बंद झाल्या आहेत. सध्याच राजकारण हे पुतण्यांचे राजकारण झाले आहे. पुतणे गोळा करण्याचं काम कोणीतरी करत आहे. प्रत्येक पक्षातील पुतणे कोणीतरी गोळा करत आहे.

याचबरोबर संजय राऊत यांनी जर ते पुढे आले तर तुम्ही एकत्र याल का? असा प्रश्न विचारला. यावर उद्धव ठाकरे म्हणाले की, मी आला तर, गेला तर याचा विचार करत नाही. लोक येत जात असतात. मी त्या त्या वेळी काय करायचं हे ठरवतो. यामुळे उद्धव ठाकरे यांनी ठाकरे बंधु एकत्र येण्याची शक्यता ना नाकारली, ना त्याला होकार दिला,