नववर्षाच्या पार्श्वभूमीवर शालेय शिक्षण मंत्री दीपक केसरकर यांनी शिर्डीला जाऊन साईंबाबांच दर्शन घेतलं. यावेळी शिंदे गटाचे नेते आणि शालेय शिक्षण मंत्री दीपक केसरकर यांनी उद्धव ठाकरे आणि विधानसभेचे विरोधी पक्षनेते अजित पवार यांचं तोंड भरून कौतुक केलं आहे. त्याचबरोबर त्यांनी विविध मुद्द्यांवर त्यांनी भाष्य केलं आहे.

दीपक केसरकर बोलताना म्हणाले की, उद्धव ठाकरे यांच्याबद्दल मला आदर आहे. कटूता कमी करणं उद्धवजींच्या हातात आहे. मी त्यांचा आदर ठेवणारा माणूस आहे. उद्धव ठाकरे भेटले तेव्हा मी त्यांना काहीच उत्तर दिलं नव्हतं, असंही केसरकर यावेळी बोलताना म्हणाले आहेत.

पुढे ते म्हणाले की, जेव्हा घर पेटतं तेव्हा आधी आग विजवावी लागतं. ती आग कशामुळे लागली ते नंतर बघू . पण अगोदर आपण आपल घर सुरक्षित ठेवू या. असं मी उद्धवजींना बोललो होतो. मला ते बोलले त्याचं दु:ख वाटलं नाही. पण जे काही माध्यमांत दाखवलं गेलं त्यामुळे भावना दुखावल्या गेल्या. असं काम होता कामा नये , प्रेमाचा आदर आहे तो कमी होता कामा नये. मी सगळयांची उत्तर देईल, असंही केसरकर म्हणाले आहेत.

तर केसारकरांनी पुढे बोलताना म्हंटलं की, अजितदादा पवार निर्मळ मनाचं व्यक्तीमत्व आहे. ते बाहेरून कठोर वाटत असले तरी त्यांचं मन निर्मळ आहे. अजितदादा बोलताना फटकळ बोलत असतील मात्र विरोधी पक्षनेता कसा असावा तर त्यांच्यासारखा असावा, असं वाटतं, अशा शब्दात दीपक केसरकरांनी अजित पवारांचं कौतुक केलं आहे.