मुंबईः भर पत्रकार परिषदेत श्रीकांत शिंदे यांच्या प्रश्नावर संजय राऊतांनी 'थू' म्हणत थुंकल्याचा प्रकार घडला आहे. त्यानंतर एकनाथ शिंदे यांच्या शिवसेनेकडून संजय राऊत यांच्याबद्दल तिखट प्रतिक्रिया व्यक्त करण्यात आलेली आहे.

पत्रकार परिषदेमध्ये संजय राऊतांना एक प्रश्न विचारण्यात आला होता. खासदार श्रीकांत शिंदेंनी केलेल्या टीकेबद्दल हा प्रश्न होता. 'ठाकरेंना उष्णता सहन होत नसल्याने ते परदेशात गेले असतील असं श्रीकांत शिंदे म्हणाले होते.

त्याबद्दल विचारल्यानंतर संजय राऊतांनी प्रश्न ऐकून घेतला आणि विचारले असं कोण म्हणालं. पत्रकारांनी श्रीकांत शिंदे यांचं नाव सांगताच, संजय राऊतांनी कॅमेऱ्यासमोरच बाजूला झुकून थूं.. असं केलं. त्यामुळे त्यांच्यावर टीका होतेय.

एकनाथ शिंदेंच्या शिवसेनेचे प्रवक्त नरेश म्हस्के यांनी एक व्हीडिओ ट्वट करीत संजय राऊतांवर आसूड ओढला. 'सत्ता गेल्यामुळे संजय राऊत हतबल झाले आहेत. आज थुंकत आहेत, थोड्या दिवसात स्वतःचे कपडे फाडून दगड मारीत रस्त्यावर फिरणार आहेत. त्यांना बरोबर घेऊन फिरणाऱ्या शरद पवार साहेब आणि उध्दव ठाकरे यांनी याबाबत आपली भूमिका जाहीर करावी' असं ट्वीट म्हस्के यांनी केलं आहे.