शिवसेनेत गेल्या काही दिवसांपासून अभूतपूर्व घडामोडी घडत आहेत. एकनाथ शिंदेंसोबत गेलेल्या आमदारांनी उद्धव ठाकरेंचं नेतृत्व, शरद पवार आणि संजय राऊत यांना शिवसेना संपवण्यास जबाबदार धरलं आहे. तर संजय राऊत सातत्याने बंडखोरांवर टीका करत आहेत.
आजही राऊतांनी एक ट्वीट केलं आहे. यात त्यांनी लेखक प्रेमचंद यांची एक ओळ ट्वीट केली आहे. ट्वीटमध्ये राऊत म्हणतात, "संसार में सबसे आसान काम अपनेको धोखा देना हैं...! - प्रेमचंद". या ट्वीटसोबत राऊतांनी उद्धव ठाकरेंचा हात धरलेला आपला एक फोटोही शेअर केला आहे.
दरम्यान, शिवसेनेतून शिंदे गटात गेलेल्या अनेक आमदारांनी संजय राऊतांवर गंभीर आरोप केले आहेत. संजय राऊतांनी उद्धव ठाकरेंना अंधारात ठेवलं, राष्ट्रवादीसोबत युती करण्यास भाग पाडलं, तसंच शिवसेना संपवण्याचा कट रचला असे अनेक आरोप भाजपा नेत्यांनी तसंच शिंदे गटातल्य अनेक बंडखोरांनी वारंवार केले आहेत. तर संजय राऊतांनी वारंवार कठोर शब्दांत एकनाथ शिंदे आणि बंडखोरांवर टीका केली आहे. त्यांच्या टीकेच्या भाषेवरुनही अनेक बंडखोर नाराज आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.