पुणे - भाजपनेते देवेंद्र फडणवीस आणि राष्ट्रवादी काँग्रेसचे नेते अजित पवार यांनी २०१९ मध्ये पहाटेच मुख्यमंत्री आणि उपमुख्यमंत्रीपदाची शपथ घेतली होती. या शपथविधीबाबत राष्ट्रवादी काँग्रेसचे प्रदेशाध्यक्ष जयंत पाटील यांनी मोठं विधान केलं. त्यामुळे राजकीय वर्तुळात एकच खळबळ उडाली आहे. यावर चंद्रकांत पाटील यांची प्रतिक्रिया आली आहे. (Chandrakant Patil news in Marathi)
चंद्रकांत पाटील म्हणाले की, जयंत पाटील यांनी दावा केलाय की पहाटेचा शपथविधी शरद पवारांची खेळी असू शकते. असे गौप्यस्फोट जयंत पाटील त्याचवेळा का करत नाहीत, असा प्रश्न पाटील यांनी उपस्थित केला. तसेच उशिरा सुचलेलं शहाणपण काहीच महत्त्वाचे नाही, असंही पाटील म्हणाले.
बाबासाहेब आंबेडकर यांना घटनास्थापन करण्याची जबाबदारी दिली होती. २६ जानेवारी रोजी आपण ती स्वीकारली. काही झाल्यावर, काय करावं हे त्यांनी लिहलंय. त्यामुळे आतापर्यंत घटनात्मक पेच निर्माण झाला नाही.
यावेळी चंद्रकांत पाटील यांनी उपमुख्यमंत्री देवेंद्र फडणवीस यांचं कौतुक केलं. पाटील म्हणाले, देवेंद्रजी अलीकडे राज्यातील असे नेते झाले की लहान वयात त्यांनी विश्वास निर्माण केला. ते माहिती नसताना काहीच बोलत नाहीत. माझ्या सारख्या लोकांनी त्यांच्याकडून शिकले पाहिजे. मी काहीतरी बोलतो आणि नंतर दिलगिरी व्यक्त करतो, अशी कबुलीही पाटील यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.