इंडिया टुडे कॉन्क्लेव्ह मुंबईच्या दोन दिवसीय कार्यक्रमाच्या पहिल्या दिवशी महाराष्ट्राचे उपमुख्यमंत्री देवेंद्र फडणवीस यांनी महाराष्ट्रातील सद्यस्थितीवर भाष्य केलं आहे. तर सत्तेत मित्रपक्ष असलेली शिवसेना ही आमची नैसर्गिक युती आहे तर अजित पवार आमचे राजकीय भागीदार आहेत, असं देवेंद्र फडणवीस म्हणालेत.(Latest Marathi News)

पुढे फडणवीस म्हणाले की, महाराष्ट्रात एकनाथ शिंदे आमच्यासोबत आल्यामुळे पक्षाची ताकद वाढली आहे. तसंच अजित पवारांनीही साथ दिल्यानं आमची ताकद वाढली आहे. पंतप्रधान मोदींमुळे आमची राजकीय केमिस्ट्री मजबूत आहे आणि अजित पवारांच्या येण्यामुळे राजकीय अंकगणितही बरोबर झाले आहे.

2019 मध्ये राष्ट्रपती राजवटीची शरद पवार यांची कल्पना

फडणवीस म्हणाले की, राष्ट्रवादीचे अध्यक्ष शरद पवार यांनी 2019 मध्ये राष्ट्रपती राजवटीची कल्पना दिली होती. तत्कालीन राष्ट्रपती रामनाथ कोविंद यांनी महाराष्ट्रात राष्ट्रपती राजवट लागू करण्याच्या मंत्रिमंडळाच्या निर्णयाला मंजुरी दिली होती. (Marathi Tajya Batmya)

महाराष्ट्रात मुख्यमंत्री बदलणार नाहीत

महाराष्ट्रात मुख्यमंत्री बदलण्याच्या चर्चेवर फडणवीस म्हणाले की, महाराष्ट्रात मुख्यमंत्री बदलणार नाहीत. एकनाथ शिंदे हे महाराष्ट्राचे मुख्यमंत्री राहतील. पीएम मोदी फॅक्टर राज्यात नेहमीच काम करतो आणि काम करेल. महाराष्ट्रात 40 पेक्षा जास्त जागा जिंकू. मी पक्षाचा कार्यकर्ता आहे, पक्ष सांगेल मी तेच करीन.(Latest Maharashtra News)

शिवसेनेने 4 जागांसाठी युती तोडली

आम्हाला 2014 ची निवडणूकही शिवसेनेसोबत लढवायची होती. शिवसेनेने 147 जागांवर लढावे, तर 120 जागांवर लढायचे होते. उरलेल्या जागा आम्ही आमच्या मित्रपक्षांना देऊ असे सांगितले होते. मात्र शिवसेनेने स्पष्टपणे सांगितले होते की, आम्ही १५१ पेक्षा कमी जागेवरही निवडणूक लढवणार नाही. केवळ चार जागांसाठी त्यांनी आमच्याशी युती तोडली. जेव्हा त्यांनी युती तोडली तेव्हा लोकांना आमच्या क्षमता कळल्या. आम्ही विश्वासघात करत नाही, पण जर आमच्याशी कोणी विश्वासघात केला तर आम्ही त्याला तसंच उत्तर देऊ, असंही फडणवीस म्हणाले आहेत.