शिवसंवाद यात्रेच्या निमित्ताने शिवसेना उद्धव बाळासाहेब ठाकरे गटाचे नेते आदित्य ठाकरे सध्या राज्यभर दौरे करत आहेत. या दौऱ्याच्या निमित्ताने ते सातत्याने एकनाथ शिंदे आणि बाळासाहेबांची शिवसेनेवर टीका करत आहे. वरळीतून निवडणूक लढण्याचं चॅलेंज त्यांनी आज पुन्हा एकदा मुख्यमंत्री एकनाथ शिंदे यांना दिलं आहे.
वरळीमध्ये मुख्यमंत्री एकनाथ शिंदे एका कार्यक्रमासाठी येणार आहे. तिथे त्यांची सभाही होणार आहे. यावरुनच आदित्य ठाकरेंनी मेस्सी, रोनाल्डोचं उदाहरण देत शिंदेंवर टीका केली आहे. आदित्य ठाकरे म्हणाले, "माझा विजय हाच आहे की, मुख्यमंत्री उपमुख्यमंत्री माझ्या मतदार संघात येऊन सभा घेतायत. आता वरळीत सभा घेताय, घ्या. तुम्हाला गल्लीगल्लीत फिरायला लागेल, पण तरीही विजय माझाच आहे."
आदित्य ठाकरे पुढे म्हणाले, " जेव्हा फुटबॉलची मॅच असते, तेव्हा मेस्सी, रोनाल्डोच्या बाजूला चार पाच खेळाडू लावले जातात. सचिन तेंडुलकरसाठी वेगळी रणनीती आखली जाते. माझ्या बाबतीतही तेच होतंय. त्यांना घेऊदे सभा. पण तरीही मी वरळीतून लढणार. माझं डिपॉझिट जप्त झालं तरी लढणार."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.