Eknath Shinde : शिवसेनेने वर्तमानपत्रांमध्ये दिलेल्या जाहिरातीवर महाराष्ट्राच्या राजकारणात खळबळ माजली आहे. एका सर्व्हेनुसार शिंदे यांच्या शिवसेनेने एकनाथ शिंदे पुन्हा मुख्यमंत्री होणार असल्याची दावा केलाय त्यामुळे भाजपच्या गोटात देखील नाराजीचे वाचावरण आहे. दरम्यान मंत्री शंभूराज देसाई यांनी स्पष्टीकरण दिले आहे.

शंभूराज देसाई म्हणाले, उपमुख्यमंत्री देवेंद्र फडणवीस यांच्यासोबत मी बोललो आहे. शिंदे आणि फडणवीस दोघांना मिळून लोकांनी पसंती दिली आहे. हा सर्व्हे महायुतीचा म्हणून आहे. हा एकत्र सर्व्हे आहे.

जाहिरातीवर बाळासाहेब ठाकरे, भाजप, फडणवीस यांचा जाहीरातीवर फोटो नाही, यावर दिपक केसरकर यांना प्रश्न विचारण्यात आला. ते म्हणाले, चुकीने जाहीरात गेली असेल. जाहिरात देताना एखादी चूक झाली असेल तर ती सुधारल्या जाऊ शकते. भाजप आणि शिवसेनेत वाद नाहीत. केणीतीरी फूट पाडण्याचा प्रयत्न करत आहे.

एकनाथ शिंदे आणि फडणवीस मिळून ५९ टक्के जिंकून येण्याची शक्यता आहे. दोघे भावाप्रमाणे काम करतात. युतीत कुठलाही वाद नाही. कोणीतरी आग लावण्याचे काम करत आहे, असे दिपक केसरकर म्हणाले.

ती जाहीरात मी दिलेली नाही. चुकीची जाहीरात गेली असेल तर चौकशी करण्यात येईल. यावर खुलासा करण्यात येईल, असे देखील केसरकर यांनी स्पष्ट केले.

जाहिरातीत काय म्हटले-

आज, १३ जून रोजी राज्यातील सर्व प्रमुख वृत्तपत्रात राष्ट्रात मोदी आणि महाराष्ट्रात शिंदे अशा टॅगलाइन खाली पानभर जाहिरात देण्यात आली आहे.

या जाहिरातील महाराष्ट्राती २६.१ टक्के जनतेला एकनाथ शिंदे हे मुख्यमंत्र हवेत तर देवेंद्र फडणवीस यांना २३.२ टक्के लोकांची पसंती असल्याचे एका सर्व्हे मध्ये समोर आल्याचे या शिवसेनेच्या जाहिरातीमध्य म्हटले आहे. या जाहिरातीमध्ये देवेंद्र फडणवीस यांनी शिंदेंपेक्षा तब्बल तीन टक्के मते कमी मिळाल्याचे सांगण्यात आलं आहे.

इतकेच नाही तर महाराष्ट्रातील जनतेने ४९.३ टक्के जनतेने पुन्हा या जोडीला पसंती दर्शवल्याचे देखील या जाहीरातीमध्ये म्हटले आहे. दरम्यान फडणवीस आणि शिंदे यांची या जाहिरातीमध्ये एकंदरीत तुलना करण्यात आली आहे.