दोन दिवसांपूर्वी सर्व वृत्तपत्रांमद्धे जाहिरात आली आणि त्यानंतर शिवसेना भाजप यांच्यात जुंपल्याचं दिसून आलं. त्यानंतर काल शिंदे गटाने सर्वांचे फोटो लावून पुन्हा जाहिरात दिली. मात्र या जाहिरातीच्या पार्श्वभूमीवर भाजप आणि शिंदे गटात आरोप प्रत्यारोप यांना सुरुवात झाली आहे. (Latest Marathi News)

दोन्ही पक्षातील नेते एकमेकांवर तोंडसुख घेताना दिसून येत आहे. भाजपचे खासदार अनिल बोंडे यांनी काल मुख्यमंत्री एकनाथ शिंदे यांच्यावर हल्लाबोल करताना बेडूक कितीही फुगला तरी तो बैल होत नाही असं त्यांनी म्हंटलं आहे. तर ठाणे म्हणजे महाराष्ट्र वाटत असल्याचं म्हणत शिंदे गटाला डिवचलं होतं. त्यानंतर शिंदे गटाचे आमदार संजय गायकवाड यांनी बोंडे यांना औकातीत राहण्याचा सल्ला दिला होता. हा वाद सुरू असतानाच आता शिंदे गटाचे आमदार संजय शिरसाट यांनी भाजपला निर्वाणीचा इशारा दिला आहे.(Latest Marathi News)

आमदार संजय शिरसाट यांनी माध्यमांशी संवाद साधला त्यावेळी भाजपला निर्वाणीचा इशारा देत म्हणाले कि, 'वाजपेयींच्या काळामध्ये 1 मताने सरकार पडलं होतं याचा विचार भाजपने करायला पाहिजे. हातात हात घेऊन पुढे चालावं. नाहीतर येणाऱ्या काळामध्ये अवघड होईल, असं संजय शिरसाट यांनी म्हंटलं आहे. या वादामुळे भाजप आणि शिंदे गटात अलबेल नसल्याचं स्पष्ट होतं आहे. आता शिरसाट यांच्या वक्तव्यावर भाजप काय प्रतिक्रिया देणार याकडे सर्वांचं लक्ष लागलं आहे.(Latest Marathi News)

अनिल बोंडे काय म्हणाले होते?

'बेडूक किती फुगला तरी हत्ती बनत नाही'. शिंदे चांगले मुख्यमंत्री आहेत. मात्र त्यांना त्याच्या आजूबाजूचे चुकीचे सल्ले देत आहे, शिंदे यांना ठाणे म्हणजे पूर्ण महाराष्ट्र वाटायला लागलाय असं अनिल बोंडे म्हणाले आहेत.(Latest Marathi News)