राज्याचे माजी गृहमंत्री अनिल देशमुख यांची ईडीबद्दलची याचिका सर्वोच्च न्यायालयाने स्वीकारली आहे. अनिल देशमुख यांनी याबाबतचे निवेदन दिले आहे. सर्वोच्च न्यायालयात या प्रकरणी लवकरच सुनावणी घेण्यात येणार असल्याची माहिती त्यांनी दिली. अनिल देशमुख यांनी म्हटलं की, सर्वोच्च न्यायालयाने मला खालच्या न्यायालयात जाण्याची मुभा दिली आहे. या न्यायालयीन प्रक्रियेनंतर मी स्वत: ईडीसमोर जाईन आणि त्यांना सहकार्य करेन.

माझ्या राजकीय सामाजिक जीवनात मी सदैव उच्च आदर्शनचे पालन केले असल्याच अनिल देशमुख म्हणाले होते. याआधी बुधवारी सर्वोच्च न्यायालयाने अनिल देशमुख यांच्या प्रकरणी उच्च न्यायालयाने सीबीआय चौकशीला दिलेल्या परवानगीविरोधात याचिकेवर सुनावणी केली. त्यावेळी सुप्रीम कोर्टाने राज्य सरकारला फटकारले होते.