उपमुख्यमंत्री अजित पवार यांनी महाराष्ट्रातील एकही प्रश्‍न सोडवलेला नाही; मग त्यांना कोल्हापुरात दोनशे किलो फुलांचा हार का घातला, असा सवालही शेट्टींनी यावेळी केला.
कोल्हापूर : अजित पवार (Ajit Pawar) यांनी शरद पवार (Sharad Pawar) यांच्या पाठीत खंजिर खुपसला, त्याप्रमाणं धनंजय मुंडे (Dhananjay Munde) एक दिवस अजित पवार यांच्या पाठीत खंजिर खुपसतील, असा दावा स्वाभिमानी शेतकरी संघटनेचे संस्थापक राजू शेट्टी (Raju Shetti) यांनी केलाय.
कोल्हापुरात 'स्वाभिमानी'ने प्रादेशिक साखर सहसंचालक कार्यालयापर्यंत धडक मोर्चा काढला. यावेळी माध्यमांशी बोलताना राजू शेट्टी यांनी अजित पवार यांच्यावर निशाणा साधला. उपमुख्यमंत्री अजित पवार यांनी महाराष्ट्रातील एकही प्रश्‍न सोडवलेला नाही; मग त्यांनी कोणता पराक्रम केला म्हणून त्यांना कोल्हापुरात दोनशे किलो फुलांचा हार घातला, असा सवालही शेट्टींनी यावेळी केला.
शेट्टी म्हणाले, अजित पवार यांनी शरद पवार यांच्या पाठीत खंजिर खुपसला, त्याप्रमाणे धनंजय मुंडे एक दिवस अजित पवार यांच्या पाठीत खंजिर खुपसतील. महाराष्ट्राच्या सत्तेत खोके बहाद्दर बसवले होते. टग्यांचे सरकार आले आहे.
उत्तरदायित्व सभेला वाहतुकीसाठी दोन कोटी आणि मंडपासाठी दोन कोटी कोठून आणले, हे जाहीर करा. कारखाने चालवणे तोट्याचे आहे, तर मग बडे राजकीय नेतेच का विकत घेतात, असाही सवाल शेट्टी, शिवाजी परुळेकर, प्रा. जालंदर पाटील, सावकर मादनाईक यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.