नवी दिल्ली - शिवसेना पक्षातील फुटीनंतर अनेक प्रकरणांची सुनावणी सर्वोच्च न्यायालयात सुरू आहे. त्यातच उद्धव ठाकरे गटाने शिवसेना पक्ष आणि चिन्ह शिंदे गटाला देण्याच्या निवडणूक आयोगाच्या निर्णयाला सर्वोच्च न्यायालयात आव्हान दिलेले आहे. यावर सुनावणी घेण्याची तारीख सर्वोच्च न्यायालयाने निश्चित केली आहे.

उद्धव ठाकरे यांनी निवडणूक आयोगाच्या निर्णयाविरोधात दाखल केलेल्या याचिकेवर सुप्रीम कोर्टात 10 ऑक्टोबरला सुनावणी होणार आहे. तर आमदार अपात्रतेच्या याचिकेवर ३ ऑक्टोबर रोजी सुनावणी होणार आहे.

सर्वोच्च न्यायालयात सोमवारी आमदार अपात्रतेसंदर्भातील ठाकरे गटाच्या अपिलावर आणि निवडणुक आयोगाविरोधच्या दोन्ही याचिकांवर सुनावणी पार पडली होती. यापैकी निवडणूक आयोगाविरोधातील याचिकेवर १० ऑक्टोबरला सुनावणी होणार आहे.