देशात कोरोनाच्या तिसऱ्या लाटेने डोके वर काढले आहे. दिवसेंदिवस कोरोनाची रूग्णसंख्या झपाट्याने वाढत आहे. अशात भारतीय वैद्यकीय संशोधन परिषदेचे (ICMR) अतिरिक्त महासंचालक डॉ. समीरन पांडा यांनी महाराष्ट्र, दिल्ली आणि पश्चिम बंगालमध्ये कोरोनाची तिसरी लाट फेब्रुवारीच्या अखेरीस ओसरण्याची शक्यता असल्याचे म्हटले आहे. या राज्यांमध्ये समोर आलेली रूग्णसंख्या फेब्रुवारी महिन्याच्या अखेरीस खाली येतील. मार्चपर्यंत देशातील कोविड प्रकरणांमध्ये एकूण घट अपेक्षित आहे, असे डॉ. समीरन पांडा म्हणाले.

यावर राज्याचे आरोग्यमंत्री यांनी राजेश टोपे (Rajesh Tope) यांनी प्रतिक्रीया दिली. राज्यातल्या करोना रुग्णसंख्येचा आलेख आता कमी होत असल्याचे दिसून येत आहे. दर आठवडय़ाला ते आणखी शिथील होत जातील. मार्चच्या मध्यापर्यंत आपण तिसऱ्या लाटेच्या शेवटाकडे जाऊ, असे तज्ञांच्या मतावरून वाटत आहे, असा विश्वास टोपे यांनी व्यक्त केलाय.