सध्या देशभरात टोमॅटोच्या किंमती गगनाला भिडल्या असून यामुळे सामान्य जनतेच्या खिशाला कात्री बसली आहे. अनेक भागांमध्ये टोमॅटोच्या किंमती 150 रूपये किलोंपेक्षा जास्त झाल्या असून पदार्थांमध्ये टोमॅटोचा वापर कमी प्रमाणात होऊ लागला आहे.

तसेच रोटरी क्लब ऑफ नाशिक नेहमीच नाशिककरांसाठी नवनवीन उपक्रम बनवत असतो. गेल्या ५-६ वर्षांपासून सर्व नागरिकांना ऑरगॅनिक पद्धतीने तयार केलेल्या भाज्या मिळाव्यात व त्याचबरोबर जो शेतकरी या भाज्या आपल्या शेतात लावतो, आणि त्याचा फायदा होण्यासाठी रोटरी क्लब ने या उपक्रमाची सुरुवात केली होती.

शेतकरी दर रविवारी आपला भाजीपाला मार्केटमध्ये घेऊन जातात. आणि नागरिकांना बाजारभावापेक्षा कमी दराने देण्याचा प्रयत्न देखील करतात. जेव्हा काही भाज्यांचे भाव खूप जास्त असते तेव्हा देखील हे रोटरी क्लब बाजारात स्वस्त दराने भाज्या देतात. टोमॅटोचे सध्या भाव ₹150.00 प्रती किलो असले तरी यांच्या बाजारात टोमॅटो फक्त ₹ 30.00 प्रती किलो ग्राहकांना दिले जातात.

दर रविवारी हा बाजार सकाळी 8.30 ला सुरू होऊन साधारणपणे १० वाजेपर्यंत भरत असतो. तसेच या 1 जुलै पासून "उदोजी शैक्षणिक संग्रहालय" या ठिकाणी बाजार भरणार आहे. नवीन वर्षात या जागेत खूप चांगली सुरुवात झाली आहे. मविप्र सरचिटणीस एडवोकेट नितीन ठाकरे यांनी याचे उद्घाटन केले आहे.

या झालेल्या उद्घाटनाला, कम्युनिटी सर्विस डायरेक्टर, पास्ट प्रेसिडेंट,बोर्ड डायरेक्टर्स, प्रेसिडेंट, सेक्रेटरी, मंथ लीडर्स व संपूर्ण कम्युनिटी सर्व्हिस नोन मेडिकल व रोटरी क्लबच्या टीमने विशेष परिश्रम घेतले. याचा फायदा जवळपास 100 रोटरी सदस्य व ग्राहक घेत आहेत. याचा नाशिकच्या नागरिकांनी जास्तीत जास्त लाभ घ्यावा अशी रोटरी क्लबची विनंती आहे.