शिवसेनेच्या उद्धव ठाकरे गटाला आतापर्यंतचा सर्वात मोठा धक्का बसला आहे. निवडणूक आयोगाने शिवसेनेचं धनुष्यबाण हे पक्ष चिन्ह गोठवलं आहे. त्यामुळे दोन्ही पक्ष आता धनुष्यबाण चिन्ह वापरू शकणार नाही. मात्र पोटनिवडणुकीपर्यंतच चिन्ह गोठवण्यात आलं आहे. शिंदे गटासाठी ही जमेची बाब ठरू शकते. तर ठाकरे गटाला धक्का आहे.

तर निवडणूक आयोगाने दोन्ही गटाला सोमवार पर्यंत 3 नवी चिन्हं आणि 3 नव्या नावांचा प्रस्ताव देण्यासाठी सांगितले आहे. ठाकरे गटाकडून निवडणूक आयोगाकडे नावे दिली आहेत. ठाकरे गटाकडून शिवसेना बाळासाहेब ठाकरे, शिवसेना बाळासाहेब प्रबोधनकार ठाकरे, शिवसेना उद्धव बाळासाहेब ठाकरे ही तीन नावे देण्यात आली आहेत.

अणि तीन चिन्हे देखील देण्यात आली आहेत. त्रिशुळ, उगवता सूर्य आणि धगधगती मशाल या चिन्हांचा प्रस्ताव ठाकरे गटाने निवडणूक आयोगाला पाठवला आहे. दरम्यान शिंदे गटाकडून अजूनही कोणते ही नाव आणि चिन्ह देण्यात आलं नाही. आज सह्याद्रीवर झालेल्या बैठकीत शिंदे गटाकडून तुतारी, गदा, आणि तलवार हे चिन्ह निवडणूक आयोगाला देण्यात येणार असल्याचे सांगितले जात आहे. हे चिन्ह सगळ्यांच्या सहमतीने देण्यात येणार आहे. परंतु याबाबतची अजून कोणतीही अधिकृत घोषणा करण्यात आली नाही.