Uday Samant:  उद्धव ठाकरे यांनी नागपूर येथील सभेत देवेंद्र फडणवीस आणि शिंदे गटावर हल्लाबोल केला. यावर उद्योगमंत्री उदय सामंत यांनी पलटवार आला आहे. शासन आपल्या दारी कार्यक्रम सुरु होता. तसेच अजित पवार मधल्या काळात सरकारमध्ये सामील झाले. काही लोकांना हे किती झोंबलय हे काल कळाले, असे उदय सामंत यांनी म्हटले.

उदय सामंत म्हणाले, काही लोकांना पोटशूळ उठला आहे. मुख्यमंत्री एकनाथ शिंदेंच्या व्यक्तीमत्त्वाचा विचार केला तर त्यांना गर्दीत जाऊन काम करण्याची सवय आहे. देवेंद्र फडणवीस व अजित पवार यांचाही तोच स्वभाव आहे. पण ज्यांना गर्दी बघून काम करण्याची सवय नाही. त्यांना हे समजणार नाही. काल झालेल्या भाषणात हीन दर्जाची टीका झाली. आपले अस्तित्व दाखवण्याचा हा प्रयत्न सुरु आहे.

जयदत्त क्षिरसागर, राज ठाकरे यांना एकनाथ शिंदे यांनी बाहेर काढले नाही. ज्यावेळी आपली वेळ येते, तेव्हा किती सक्षम आहे हे दाखवण्याचे काम केले. हॉस्पिटलमध्ये किती मीटिंग झाल्या उद्धव ठाकरे सांगतात. पण हॉस्पिटलमध्ये किती मीटिंग झाल्या, हे मला पण कधी तरी सांगावे लागेल, असा इशारा उदय सामंत यांनी उद्धव ठाकरेंना दिला आहे.

तसेच महायुतीचे ४५ हून अधिक खासदार, २०० हून अधिक आमदार २०२४ मध्ये निवडून येतील
आम्ही जनतेशी बांधील आहोत, असा विश्वास उदय सामंत यांनी व्यक्त केला आहे.