मुंबई: एका महिलेला लग्नाचं आमिष दाखवून तिच्यावर बलात्कार केल्याचा आरोपाखाली शिवसेना उपनेते रघुनाथ कुचिक (Raghunath Kuchik) यांच्यावर दोन दिवसापूर्वी बलात्काराचा गुन्हा दाखल झाला. ही घटना ताजी असतानात आज पुन्हा वैजापुरात शिवसेना (Shiv Sena) आमदाराने महिलेला बेदम मारहाण केली. यावर भाजप (BJP) नेत्या चित्रा वाघ (Chitra Wagh) यांनी ठाकरे सरकारवर (Thackeray Government) निशाणा साधला आहे. शिवरायांच्या (Shivrai) महाराष्ट्रात (Maharashtra)महिलांच्यावर अत्याचार होत आहेत. हे सरकार गोरगरीबांचं धार्जीणं नाही. महाराज असते तर कडेलोट केला असता हो या सरकारचा अशी तिखट प्रतिक्रिया चित्रा वाघ यांनी दिली आहे. त्यांनी ट्विट करत ठाकरे सरकारवर निशाणा साधला

वैजापूरचे (Vaijapur) शिवसेना आमदार रमेश बोरणारे (Ramesh Bornare) यांनी भाजपच्या कार्यक्रमाला गेलेल्या महिलेला बेदम मारहाण केली.यावर चित्रा वाघ यांनी संताप व्यक्त करत ट्विट केले. यामध्ये त्या म्हणातात, आज म्हणे महिलाधोरणाचा मसुदा शिवरायांच्या चरणी अर्पण केलायं. शिवरायांच्या महाराष्ट्रात वैजापूरचे शिवसेना आमदार रमेश बोरणारे यांनी भाजपच्या कार्यक्रमाला का गेली म्हणत महिलेला बेदम मारहाण केली. यावर गुन्हा दाखल झाला पण कारवाई शुन्य. उलट आज पिडीतेवरचं ॲट्रोसिटीचा गुन्हा दाखल करण्यात आला. यावर महिलाधोरणकर्ते काही बोलणार का? असा सवाल त्यांनी उपस्थित केला.

ठाकरे सरकारवर निशाणा साधताना त्या म्हणाल्या, अजून किती बलात्कारी व महिलांवर अत्याचार करणाऱ्यांना वाचवणार आहात. महाराज असते तर कडेलोट केला असता हो या सरकारचा. हे सरकार गोरगरीबांचं धार्जीणं नाही तर सरकारचे कलाकारी मंत्री आमदार खासदार व त्यांच्या बगलबच्चे धार्जीणं आहे असा घणाघात यावेळी केला.