Vidarbha Accident : गेल्या 12 तासात विदर्भामध्ये तीन मोठे अपघात झाले असून यात चार जणांचा मृत्यू झाला आहे. तर 16 जण जखमी झाले असल्याची प्राथमिक माहिती समोर येत आहे. त्यातला एक अपघात समृद्धी महामार्गावर झाला आहे.

बुधवारी रात्री एकच्या सुमारास समृद्धी महामार्गावर ट्रकचा अपघात झाला. या अपघातात दोघांचा जागीच मृत्यू झाला आहे. झोप लागल्याने चालक आणि वाहकाचा अपघात झाल्याची प्राथमिक माहिती समोर येत आहे.

सरद ट्रक नागपूर येथून मुंबईकडे निघाला होता. रात्रीच्यावेळी झोप लागल्याने पुलाच्या सिमेंट कठड्यावर ट्रॅक धडकला. समृद्धीवर ट्रक वेगात होता. भरधाव ट्रक इतका जोरात धडकला की ट्रकच्या समोरील भागाचा अक्षरश: चक्काचूर झाला.

तर दुसरीकडे वर्धा जिल्ह्यात अपघात झाला आहे. तीन युवक दुचाकी वरून अमरावती जिल्ह्यातील अप्पर वर्धा धरणावर आले होते. सायंकाळी घरी परत असताना त्यांचा अपघात झाला. यामध्ये दोघांचा जागीच मृत्यू झाला आहे. या अपघातात एक जण गंभीर जखमी झाला आहे. तर दोघांचा जागीच मृत्यू झाला आहे.

तिसरा अपघात हा बुलढाणा जिल्ह्यात झाला आहे. सौना ते चिखली मार्गावर एका एसटी बसचा अपघात झाला आहे. या एसटी बसमध्ये 25 प्रवासी होते. 25 पैकी 10 ते 15 प्रवासी हे या अपघातात जखमी झाले आहेत.