'अजित पवार मुख्यमंत्री होणे हे स्वप्नच आहे. ही प्रत्यक्षात घडणारी गोष्ट नाही. राज्यातही महाविकास आघाडीचेच सरकार येणार. काँग्रेस, राष्ट्रवादी आणि शिवसेना (ठाकरे गट) अगदी एकदिलाने काम करीत आहोत. त्याचा परिणाम लवकरच दिसून येईल,’ असं शरद पवारांनी म्हटलं होतं. त्यावर आज पत्रकार परिषदेत त्यांना पत्रकाराने प्रश्न केला.

तुम्ही 'अजित पवार मुख्यमंत्री होणे हे स्वप्नच आहे. ही प्रत्यक्षात घडणारी गोष्ट नाही असं का म्हणालात, याची कारणे काय आहेत, असा प्रश्न केला', त्यावर उत्तर देताना शरद पवार म्हणाले की, 'मी माझं एक उदाहरण देतो, आर.आर.पाटील आमचे एक सहकारी, ते प्रत्येक सभेत म्हणायचे शरद पवार प्रधानमंत्री झाले पाहिजेत. मी त्यांना एकदा सांगितलं, माझ्याकडे १० खासदार आहेत. आणि १० खासदारांच्या शक्तीवर प्रधानमंत्री व्हायला जायचं हे योग्य आहे का? काही संबध आहे का?', असं शरद पवार म्हणाले.

तर आज महाराष्ट्राच्या विधानसभेत आधिकार गाजवायचा असेल तर १४५ आमदारांची शक्ती लागते. जर १४५ आमदारांची शक्ती सोबत नसेल किंवा इतर पक्षाच्या मदतीने १४५ संख्येपर्यंत पोहचू शकत नसेल तर ते दिवास्वप्न आहे, शरद पवार म्हणालेत.

काय म्हणाले होते शरद पवार?

‘अजित पवार मुख्यमंत्री होणे हे स्वप्नच आहे. ही प्रत्यक्षात घडणारी गोष्ट नाही. राज्यातही महाविकास आघाडीचेच सरकार येणार. काँग्रेस, राष्ट्रवादी आणि शिवसेना (ठाकरे गट) अगदी एकदिलाने काम करीत आहोत. त्याचा परिणाम लवकरच दिसून येईल,’ असं शरद पवारांनी म्हटलं होतं.