Ajit Pawar: नुकतंच विधानसभेचं पावसाळी अधिवेशन मुंबईमध्ये पार पडलं. या अधिवेशन अनेक गोष्टींवर चर्चा करण्यात आली. काही मुद्द्यावरुन विरोधकांनी आक्रमक होत सभात्याग केला. पावसाळी अधिवेशनाचा समारोप करताना मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी माध्यमांशी संवाद साधला.

यावेळी उपमुख्यमंत्री अजित पवारांनी हिवाळी अधिवेशनाची तारिख जाहीर केली. या वर्षीचे हिवाळी अधिवेशन ७ डिसेंबर २०२३ पासून सुरु होईल.

यावेळी अजित पवार म्हणाले की, "१७ तारखेपासून मुख्यमंत्री एकनाथ शिंदे यांच्या नेतृत्वाखाली पावसाळी अधिवेशनाला सामोरे गेलो. आज त्याचा शेवट झाला.

आता पुढचं अधिवेशन ७ डिसेंबरला आपण घेणार आहोत. ६ डिसेंबरला महापरिनिर्वाण दिन झाल्यानंतर ७ डिसेंबरला घेण्याचा निर्णय मुख्यमंत्री महोदयांनी राज्यपालांशी चर्चा करुन घेतलेला आहे.