अनेक दिवसांच्या प्रतीक्षेनंतर राज्याच्या अनेक भागात पावसाने जोरदार हजेरी लावली आहे. त्यामुळे नागरिकांना काहीसा दिलासा मिळाला. राज्यात पावसाचं पुनरागमन झालं आहे. काल (रविवारी)ही अनेक जिल्ह्यांमध्ये पावसाने हजेरी लावली होती. आजही राज्यातील अनेक जिल्ह्यांमध्ये पावसाचा यलो अलर्ट देण्यात आलेला आहे.
हवामान विभागाने वर्तवलेल्या अंदाजानुसार सप्टेंबर महिन्याच्या सुरुवातीपासून पावसाने राज्याच्या काही भागांमध्ये हजेरी लावली आहे. आज विदर्भात मुसळधार पावसाची शक्यता आहे. रत्नागिरी आणि सिंधुदूर्ग या जिल्ह्यांमध्येही आज मुसळधार पावसाचा इशारा देण्यात आलेला आहे. त्याचबरोबर पुण्यात आणि मुंबईतही आज पावसाचा कोणताही इशारा देण्यात आलेली नाहीये.
दरम्यान मात्र पुढील ३ दिवस (मंगळवार, बुधवार आणि गुरुवार) पुण्यात मुसळधार पावसाचा यलो अलर्ट देण्यात आला आहे. विदर्भात पुढचे 3-4 दिवस मुसळधार पावसाचा अंदाज हवामान विभागाने वर्तवला आहे. 7 सप्टेंबरपर्यंत राज्याच्या अनेक भागांमध्ये पाऊस हजेरी लावेल अशी शक्यताही हवामान विभागाने वर्तवला आहे.
उत्तर बंगालच्या उपसागरात चक्राकार वारे तयार होत आहेत आणि या वाऱ्यांच्या प्रभावामुळे मंगळवारपर्यंत हवेचा कमी दाबाचा पट्टा तयार होणार आहेत. यामुळे पुढील पाच ते सात दिवस पुणे परिसरात पाऊस कायम असण्याची शक्यता आहे. पुणे घाट विभागात दोन दिवस यलो अलर्ट असून मुसळधार पाऊस असणार आहे, अशी माहिती हवामान विभागाने दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.